Konferenııa lıgasy: «Aqtóbe» óz alańynda «Spartadan» aılasyn asyrdy

«Aqtóbe» fýtbol klýby UEFA Konferenııa lıgasy ekinshi irikteý kezeńinde Chehııanyń «Sparta» komandasymen oınap, 2:1 esebimen jeńiske jetti.

Sóıtip, alań ıeleri Qobylandy batyr stadıonynda 11 jyldan beri alǵash ret jeńisti toılady.

Buǵan deıin «Aqtóbe» Eýrokýbok aıasynda sońǵy ret 2014 jyldyń 23 shildesinde jeńiske («Dınamo» (Grýzııa) jetken bolatyn. Al búgingi oıynnyń 29-mınýtynda «Aqtóbe» sapynan Denıel Sosa mergendigimen kózge tústi.

Ekinshi taımda da alań ıeleri ekinshi goldy salýǵa tyrysty. Sonyń nátıjesinde Oralhan О́mirtaev 83-mınýtta tablodaǵy esepti ózgertti. Al 90-mınýtta «Aqtóbe» qaqpasyna belgilengen penaltıden «Sparta» fýtbolshysy Velko Bırmanchevıch múlt ketken joq.

Osylaısha «Aqtóbe» qarsylasynan 2:1 esebimen basym tústi.

Endi ekinshi match 31 shildede bolady.

«Aqtóbe» eýrokýbok oıyndaryn Eýropa lıgasy birinshi irikteý kezeńinen bastap, Polshanyń «Legııa» komandasynan (0:1, 0:1) esebimen jeńilgen edi.

Búgin «Astana» óz alańynda Moldovanyń «Zımbrý» komandasymen 1:1 esebimen teń tústi.

Budan buryn Chempıondar lıgasy ekinshi irikteý kezeńinde «Qaırat» Fınlıandııanyń «KýPS» komandasyna ese jiberdi.

Dastan KENJALIN,

ASTANA