جىلىساي جارىسى جىل سايىن جالعاسادى

سالاۋاتتى ءومىر سالتىن قالىپتاستىرىپ، بۇقارالىق سپورتتى ناسيحاتتاۋ ماقساتىندا ۇيىمداستىرىلىپ كەلە جاتقان جىلىساي جارىسى مارەسىنە جەتتى.

بۇل جولى ءداستۇرلى ءتۋرنيردى 1977 جىلى تۋعان ازاماتتار ۇيىمداستىردى. تارتىستى وتكەن سايىستا ءبىرىنشى ورىندى بالعاباەۆتار، ەكىنشى ورىندى دوسىمباەۆتار، ءۇشىنشى ورىندى «جىلىساي جاستارى» كومانداسى ەنشىلەدى. توپتىق كەزەڭنەن ءوتىپ، جارتىلاي فينالعا جەتىپ توقتاعان 1974 جىلعى ازاماتتاردان جاساقتالعان كومانداعا دا قارجىلاي سىيلىق تابىس ەتىلدى. ۇزدىك قورعاۋشى، ۇزدىك شابۋىلشى جانە ۇزدىك قاقپاشى اتالىمدارى بويىنشا دا ويىنشىلارعا ارنايى جۇلدە تاپسىرىلدى.

– اي سايىن جۇزەگە اسىپ كەلە جاتقان ءتۋرنيردىڭ العاشقى دوداسىن 1989 جىلى ومىرگە كەلگەن جىگىتتەر وتكىزىپ بەرسە، ەكىنشى سايىستى اۋىلدىڭ ازاماتتارى ۇيىمداستىردى. ودان كەيىن 1982 جانە 1984 جىلى تۋعان ازاماتتار يگىلىكتى ءىستى جالعاستىرىپ، جارىس وتكىزدى. وسى اقجارىلقاپ جوبانىڭ جۇلگەسىن ۇزبەي، ءداستۇردى بۇزباي بەسىنشى ءتۋرنيردى وتكىزۋدى 1977 جىلعى ازاماتتارعا جۇكتەگەن بولاتىن. بۋىنى تولىق  قاتپاعان ءجاسوسپىرىم ويىنشىلاردىڭ اراسىندا دارىنىمەن ەرەكشەلەنگەندەرى بولدى. جاسى ەلۋگە تاياعان ارداگەر ويىنشىلاردىڭ دا شالت قيمىلىنا دا كورەرمەندەر قىزىعا قول سوقتى، – دەيدى ءتۋرنيردى ۇيىمداستىرۋشى عالىم بولات ۇلى.

اۋەسقوي فۋتبولشىلاردىڭ اسىعا كۇتەتىن دوداسىنىڭ كەزەكتى جارىسى جەلتوقسان ايىندا جالعاسىن تاپپاق.

ن.ەسىمباي،

الماتى