SportPress.kz Qazaqstan sport jańalyqtary
Almaty oblysy, Ile aýdanynyń ortalyǵy О́tegen batyr kentinde djıý-djıtsýdan týrnır ótti.
Jyl saıyn qońyr kúzde uıymdastyrylatyn dodaǵa bıyl Qyrǵyzstannyń Osh oblysynan jáne Bishkek qalasynan da sportshylar kelip baqtaryn synady. Budan bólek «International Sagadat batyr jiu-jitsu kids cup-2018» týrnırine elimizdiń ár oblysynan jáne Almaty, Taldyqorǵan qalasynan da komandalar qatysty. Halyq qaharmany, Armııa generaly Saǵadat Nurmaǵanbetovtyń esimimen atalatyn «Sagadat batyr» klýbynyń basshysy, bilikti bapker Nursultan Orynbasarov bas bolyp ótkizgen týrnırge 5-17 jas aralyǵyndaǵy 300-den asa sportshy qatysyp, sheberlikterin pash etti.
Almaty oblysy, Ile aýdandyq ákimdigi men «Nur Otan» partııasynyń Ile aýdandyq fılıalynyń muryndyq bolyp, qoldaýymen ótkizilgen dodada djıý-djıtsý sportynyń eren úlgisin kórsetip, talantymen daralanǵan «Qazaqstan Top Team» klýbynyń sportshylary jalpykomandalyq esepte top jardy. Ekinshi oryn «KDS» klýbyna buıyrsa, úzdik úshtikke «Roller» klýbynyń órenderi ornyqty.
Týrnırdiń saltanatty ashylý rásiminde Ile aýdandyq máslıhatynyń hatshysy Roza Ábilova jáne Almaty oblystyq máslıhatynyń depýtaty, Ile aýdandyq kásipkerler assoıaııasynyń tóraıymy Janna Telpekbaeva, «Nur Otan» partııasy Ile aýdandyq fılıaly tóraǵasynyń birinshi orynbasary Erbolat Turymbetov quttyqtaý sózderin aıtyp, jeńimpazdar men júldegerlerdi marapattady.
– «Nur Otan» partııasynyń Ile aýdandyq fılıaly tóraǵasynyń birinshi orynbasary Erbolat Saparuly aýdanymyzda sport túrleriniń qarqyndy damýyna árqashan da qoldaý kórsetip, demep júredi. Bizdiń «Sagadat batyr» klýbyndaǵy sportshylardyń alańsyz daıyndalýy úshin arnaıy oryn taýyp berip, túrli saıystarǵa qatysýǵa demeýshilerdi tartyp, únemi qoldap júredi. Osy halyqaralyq týrnırdiń jaqsy ótýine Erbolat aǵaıdyń kóp kómegi tıdi, – deıdi Nursultan Orynbasarov.
«International Sagadat batyr jiu-jitsu kids cup-2018» týrnırine djıý-djıtsýdan álem chempıony Jibek Qulymbetova er balalar arasynda kúsh synasty. Synasyp qana qoıǵan joq, 32 kg salmaq dárejesinde týrnırdiń jeńimpazy atandy. Nursultan Orynbasarov osymen úshinshi márte uıymdastyrylǵan halyqaralyq jarystyń jyl saıyn kókjıegi keńeıip, qatysýshylardyń sany artyp kele jatqanyn maqtanyshpen aıtty. «Qazaqtyń batyr uly, Táýelsiz Qazaqstannyń armııasyn quryp, qolbasshylyq etken armııa generaly, Halyq qaharmany Saǵadat Nurmaǵanbetov atamyzdyń aıbyny men batyrlyǵyn óskeleń urpaqtyń jadynda jańǵyrtý maqsatynda júzege asqan sharaǵa qatysqan barlyq sportshylar men bapkerlerge alǵys aıtamyn», – dedi Nursultan Orynbasarov.
Taǵy bir aqjoltaı aqpar «Sagadat batyr» sport klýbynyń órenderi respýblıkalyq jáne halyqaralyq týrnırlerdiń júldegeri atanyp, sport sheberligine úmitker dárejesin aldy.
Q.RAHMET,
О́tegen batyr kenti,
Ile aýdany,
Almaty oblysy
