قازاق كۇرەسىنەن افريكا چەمپيوناتى ءوتتى

19-20 مامىر كۇندەرى وڭتۇستىك افريكا رەسپۋبليكاسىنىڭ كەيپتاۋن قالاسىندا وسىمەن ەكىنشى رەت قازاق كۇرەسىنىڭ جالاۋى جەلبىرەدى.
وسى ەلدە دۇنيەجۇزىلىك قازاق كۇرەسى فەدەراتسياسىنىڭ ۇيىمداستىرۋىمەن وتكەن افريكا چەمپيوناتىنا 15 مەملەكەتتىڭ وكىلدەرى قاتىستى.
جارىستىڭ سوڭىندا چەمپيوندار مەن جۇلدەگەرلەر ماراپاتتالىپ، اقشالاي سىيلىق الدى. سونىمەن بىرگە چەمپيوناتتىڭ باعدارلاماسى مەن ءتارتىبى بويىنشا تورەشىلەر، كوماندا وكىلدەرى مەن سپورتشىلارعا قازاق كۇرەسىنەن سەمينار وتكىزىلدى. ونى جوعارى دارەجەدەگى حالىقارالىق تورەشى نۇرلىبەك ەرماعامبەتوۆ پەن فەدەراتسيانىڭ مەنەدجەرى ەلميرا بايبوسىنوۆا وتكىزدى.
دۇنيەجۇزىلىك قازاق كۇرەسى فەدەراتسياسىنىڭ ءبىرىنشى ۆيتسە-پرەزيدەنتى سەرىك توكەەۆتىڭ ايتۋىنشا، قۇرلىقتىق چەمپيوناتتىڭ دەڭگەيى جىلدان جىلعا ءوسىپ كەلەدى. وسى رەتتە جارىستىڭ جاقسى وتۋىنە كومەكتەسكەن ءتول كۇرەسىمىزدەن افريكا فەدەراتسياسىنىڭ پرەزيدەنتى حۋسەين ناركەرگە العىس ايتامىز. بۇل سىننىڭ ءبىر ەرەكشەلىگى، العاش رەت ەكى سالماق بويىنشا əيەلدەر اراسىندا بەلدەسۋلەر ءوتتى.

داستان كەنجالين