SportPress.kz Qazaqstan sport jańalyqtary
Taldyqorǵanda shaǵyn fýtboldan tuńǵysh ret buqaralyq aqparat quraldary arasynda ótken «BAQ JETISU LEAGUE» birinshiligi óz máresine jetti. Oǵan 6 komanda qatysty.
Úsh penta-trık
Qaı salada da túren salatyn qalamy júırik jýrnalıster eki aı boıy óńirimizdegi №25 orta mektep pen polıtehnıkalyq kolledjdiń sport zalyna jınalyp, ala dopty urshyqsha ıirdi. Jarys on týrǵa sozyldy. Iaǵnı, alty komanda bir-birimen eki kezdesý ótkizdi. Pýblııstıka sheberleri týrnırge tyńǵylyqty daıyndyqpen kelgeni birden kórindi.
Alǵashqy aınalymnan-aq alma-kezek shabýylǵa shyqqan komandalar ádemi oıyn órnegin kórsetip, qarsha boratqan soqqylarymen tanyldy. Áıtse de: «Kóp oınamaǵannyń kesirinen sharshap qalyp jatyrmyz, endi turaqty daıyndyqty qolǵa alý kerek», – dep jatqandar da boldy. Sóıtip, alǵashqy týrda «Qalamger» «Sport Media» komandasynan 4:7 esebimen jeńilse, «VIR Press» «Baq United» komandasynan 12:6 esebimen basym tústi. Al «Taldy Paris» «7su News» komandasyn 8:1 esebimen utty. Birinshi týrdyń ereksheligi 3 oıynda úsh penta-trık kórdik. Atap aıtsaq, Arsen Besetaev («Sport Media»), Almas Myrzahmetov («Vip Press»), Azamat Shedimbaı qarsylastar qaqpasyna tórt dop salyp, mergendigimen tanyldy.
Oıyn ýaqyt ótken saıyn qyza tústi. Tipti, ár komanda jeńistiń jelkenin kóterý úshin jeke daıyndyq jasaýǵa kóshti. Kil júrikten kim júırik ekenin anyqtaý qıynǵa soqty. Biraq alty kezeń boıy «Sport Media» komandasyn ókshelep kele jatqan «Vip Press» pen «Taldy Paris» sońǵy oıyndarda bilgenderinen jańyldy.
Biri «7su News» komandasyna jol berse, ekinshisi chempıondardan aılasyn asyra almady. Sóıtip, týrnırdiń segizinshi týrynda «Sport Media» merziminen buryn jeńimpaz atandy. Aıta keteıik, «7su News» komandasy — úzdik úsh komandany da tize búktirgen jalǵyz komanda. Al «Qalamger» oıynnyń birinshi bóliginde utylmady. «Baq United» sońǵy týrlarda tamasha oıyn úlgisin kórsetti.
Qolda turǵan kúmis júlde
BAQ lıganyń sońǵy týry. Chempıon anyq. Kúmis júlde bir qaraǵanda «Taldy Paris» komandasynda. Olar «Vip Press» komandasynan soqqan goly da kóp, upaımen de alda. Kúmis medaldi jeńip alý úshin teń oıyn da jetkilikti. Al «Vip Press» kúmis júldeger ataný úshin chempıondardy iri eseppen utyp qana qoımaı, ekinshi orynda turǵan qarsylastary da kóp dop jiberip, jeńilýi kerek edi.
BAQ lıgadaǵy oıynshylardyń dop oınaýǵa ysylǵanynan bolar, sońǵy týrda sensaııa oryn aldy. «Taldy Paris» «Baq United» komandasynan 10:1 esebimen tas-talqan bolyp jeńildi. «Vip Press» «Sport Media» komandasyn 9:4 esebimen utyp, kúmispen kúpteldi. Al «7su News» (13 upaı), «Baq Unaited» (10 upaı), «Qalamger» (6 upaı) komandalary kelesi oryndarǵa jaıǵasty.
Jeńimpazdar men júldegerlerdi marapattaý rásimi Jýrnalıster úıinde ótti. Sharaǵa oblystyq dene shynyqtyrý jáne sport basqarmasynyń basshysy Nurbaqyt Teńizbaev, «Jetisý» gazeti bas redaktorynyń orynbasary Jumataı Ospanuly, «Jetisý» telearnasy dırektorynyń orynbasarlary Serik Ábiken men Dosan Atantelov kelip, Maqtaý qaǵazy, medal men kýboktardy tabystady.
Erekshe oıynymen kózge túsken aıaqdopshylar marapattan tys qalmady. Atap aıtsaq, Dýman Altynbekuly «Úzdik qorǵaýshy», Aıdos Qalıev «Úzdik qaqpashy», Medet Jumabaı «Úzdik oıynshy» jáne 36 goldyń avtory atanǵan Almas Myrzahmetov «Úzdik surmergen» bolyp alǵa shyqty. Sonymen qatar, birqatar oıynshyǵa «Úzdik gol», «Ardager oıynshy», «Úzdik jas oıynshy», «Shabýyldy úzdik úılestirýshi», «Úzdik qorǵaýshy», «Úzdik jartylaı qorǵaýshy», «Úzdik kapıtan», «Úzdik shabýylshy» syndy nomınaııalar tabys etildi.
Aıdar QALIEV
Almaty oblysy
