• Қазақ
  •   
  • Qazaq
  •   
  • قازاق
  •   
  • Рус
  •   

    «Altyn tuǵyr» – ulttyq sport úzdikterin marapattaý saltanaty ótedi

    Erteń Nur-Sultan qalasyndaǵy «Qazmedıa» ortalyǵynyń konert zalynda Ulttyq sport qaýymdastyǵynyń uıymdastyrýymen, «Nur-Otan» partııasynyń qoldaýymen bıyl jetinshi márte «Altyn Tuǵyr-2019» atty ulttyq sport úzdikterin marapattaý saltanaty ótedi, dep habarlady Ulttyq sport qaýymdastyǵy.

    Ulttyq sport salasyndaǵy úzdikterdiń mereıin kóterýdi maqsat tutqan bul dástúrli marapattaýdyń bastalýyna bir kún ǵana qaldy. Jetinshi márte uıymdastyrylatyn bıylǵy «Altyn tuǵyr» syılyǵynyń ıegerleri – 2019 jylǵy ulttyq sporttyń respýblıkalyq, halyqaralyq jarystarda dara shyqqan jeńimpazdar bolmaq. Aýdaryspaq, teńge ilý, jamby atýdan, kókpardan Almatyda ótken jastar arasyndaǵy I Azııa chempıonatynda, elorda tórinde ótken «Altyn jebe» I Álem chempıonatynda jeńimpaz atanǵan, báıge men qusbegilik básekelerinde top jarǵan jáne toǵyzqumalaqtan, asyq atýdan, qazaq kúresinen halyqaralyq jarystarda júldeli oryn ıelengen kóptegen sportshylar «Altyn tuǵyr» syılyǵyna laıyq dep tanylady.

    «Altyn tuǵyr» saltanatyna Mádenıet jáne sport mınıstri Aqtoty Raıymqulova, «Nur Otan» partııasy tóraǵasynyń birinshi orynbasary Baýyrjan Baıbek, Ulttyq sport qaýymdastyǵynyń qurmetti prezıdenti Qaırat Satybaldyuly, Májilis depýtaty, Ulttyq sport qaýymdastyǵynyń prezıdenti Bekbolat Tileýhan jáne basqa da esimderi elimizge keńinen tanymal laýazym ıeleri qatysady dep kútilýde.

    «Altyn tuǵyr» – jastarymyzdy erlikke, batyldyqqa, eptilikke, ójettikke, júrektilikke tárbıeleıtin, rýhyn shyńdaıtyn ulttyq sporttyń dástúrli jıyny. «Altyn tuǵyr» – Ulttyq sport básekelerinde el namysyn asqaqtatyp júrgen azamattarymyzdyń esimin ardaqtaıtyn dýmandy kesh. «Altyn tuǵyrda» elimizge tanymal ánshiler sahna tórinde óner kórsetedi.

    «Altyn Tuǵyr-2019» ulttyq sport úzdikterin marapattaý 5 jeltoqsan kúni elordadaǵy «Qazmedıa» ǵımaratynyń konert zalynda ótkiziledi. Bastalýy saǵat 19-00-de. Kirý tegin.

    Pikir jazý

    Your email address will not be published. Required fields are marked *

    *