كاسىپقوي بوكسشى بەكمان سويلىباەۆ اشىق جاتتىعۋ وتكىزەدى

بۇگىن، ياعني 8 تامىزدا استانادا WBC International چەمپيوندىق بەلبەۋىنىڭ يەگەرى بەكمان سويلىباەۆ اقش-قا كەتەر الدىندا باق وكىلدەرى مەن جانكۇيەرلەرگە ارنالعان اشىق جاتتىعۋىن وتكىزەدى.

بەكماننىڭ اشىق جاتتىعۋى «ماسكەۋ» بيزنەس-ورتالىعىنداعى «Bronx» بوكس زالىندا وتەدى. بوكسشى كوپشىلىككە ءوزىنىڭ تەحنيكالىق جانە فۋنكتسيونالدىق دايىندىعىن پاش ەتىپ، ءوزىنىڭ وسى جىلعا ارنالعان بارلىق جوسپارلارىمەن بولىسەدى. سونداي-اق، سويلىباەۆتىڭ كومانداسى بوكسشىنىڭ الداعى جەكپە-جەكتە شارشى الاڭعا كيىپ شىعاتىن فورماسىن تانىستىرادى. ال جانكۇيەرلەر بەكماننىڭ ءتورت چەمپيوندىق بەلبەۋىمەن دە سۋرەتكە ءتۇسىپ، سەلفي جاساۋعا مۇمكىندىك الادى.

جالپى، قازىرگى تاڭدا بەكمان سويلىباەۆتىڭ ەنشىسىندە 11 ايقاس بار. بارلىعىندا جەڭىسكە جەتىپ، سونىڭ تورتەۋىندە قارسىلاستارىن نوكاۋتقا جىبەرگەن. سوڭعى ايقاسىن 30 ءساۋىر كۇنى مەكسيكانىڭ چيۋاۋا قالاسىندا وتكىزىپ، ەكىنشى جەڭىل سالماق دارەجەسىندەگى WBC International چەمپيوندىق بەلبەۋىن جەڭىپ العان. ەندى WBC ەرەجەسى بويىنشا سويلىباەۆ ءوزىنىڭ بەلبەۋىن قورعاۋى ءتيىس. ونىڭ كەلەسى جەكپە-جەگى 13 قازاندا لوس-اندجەلەستە وتەدى دەپ كۇتىلۋدە.

اشىق جاتتىعۋدىڭ باستالۋى: 08.08.2017 ج.، ساعات – 19:00.

بايلانىس ءۇشىن: +7 777 734 88 10 ء(ازيز ءجۇمادىل)