Kásipqoı boksshy Bekman Soılybaev ashyq jattyǵý ótkizedi

Búgin, ıaǵnı 8 tamyzda Astanada WBC International chempıondyq belbeýiniń ıegeri Bekman Soılybaev AQSh-qa keter aldynda BAQ ókilderi men jankúıerlerge arnalǵan ashyq jattyǵýyn ótkizedi.

Bekmannyń ashyq jattyǵýy «Máskeý» bıznes-ortalyǵyndaǵy «Bronx» boks zalynda ótedi. Boksshy kópshilikke óziniń tehnıkalyq jáne fýnkıonaldyq daıyndyǵyn pash etip, óziniń osy jylǵa arnalǵan barlyq josparlarymen bólisedi. Sondaı-aq, Soılybaevtyń komandasy boksshynyń aldaǵy jekpe-jekte sharshy alańǵa kıip shyǵatyn formasyn tanystyrady. Al jankúıerler Bekmannyń tórt chempıondyq belbeýimen de sýretke túsip, selfı jasaýǵa múmkindik alady.

Jalpy, qazirgi tańda Bekman Soılybaevtyń enshisinde 11 aıqas bar. Barlyǵynda jeńiske jetip, sonyń tórteýinde qarsylastaryn nokaýtqa jibergen. Sońǵy aıqasyn 30 sáýir kúni Meksıkanyń Chıýaýa qalasynda ótkizip, ekinshi jeńil salmaq dárejesindegi WBC International chempıondyq belbeýin jeńip alǵan. Endi WBC erejesi boıynsha Soılybaev óziniń belbeýin qorǵaýy tıis. Onyń kelesi jekpe-jegi 13 qazanda Los-Andjeleste ótedi dep kútilýde.

Ashyq jattyǵýdyń bastalýy: 08.08.2017 j., saǵat – 19:00.

Baılanys úshin: +7 777 734 88 10 (Ázız Jumadil)