شاحماتتان ونلاين تۋرنير وتەدى

ءبىلىم جانە عىلىم مينيسترلىگى «ۇلتتىق عىلىمي-پراكتيكالىق دەنە تاربيەسى ورتالىعىنىڭ» ۇيىمداستىرۋىمەن جوعارى وقۋ ورىندارىنىڭ ستۋدەنتتەرى اراسىندا توعىزقۇمالاق، بەس اسىق جانە شاحماتتان ونلاين تۋرنيرلەر ءوتىپ جاتىر. بۇل تۋرالى مينيسترلىكتىڭ اتالعان ورتالىعىنىڭ ءباسپاسوز قىزمەتى حابارلادى.

25 ساۋىردە شاحمات https://www.chess.com//club/jastalap سايتىندا (تىركەۋ ۋاقىتى 20-23 ءساۋىر)، 1-2 مامىردا بەس اسىق ويىنى بويىنشا (تىركەۋ ۋاقىتى 27-30 ءساۋىر) تۋرنير ۇيىمداستىرىلادى. شاحمات ءتۋرنيرى ءابۋ ناسىر ءال-ءفارابيدىڭ 1150 جىلدىق مەرەيتويىنا ارنالىپ وتۋدە.

تۋرنير Team Kazakhstan كومانداسىنىڭ تەحنيكالىق جانە ۇيىمداستىرۋشىلىق قولداۋىمەن وتكىزىلىپ  وتىر. Team Kazakhstan كومانداسى – الەمدەگى ەڭ ءىرى دە تانىمال شاحمات رەسۋرسى  chess.com سايتىندا  الەمدىك، ەۋروپالىق جانە ازيالىق ليگالاردا  قازاقستاننىڭ اتىنان سايىسقا قاتىساتىن بىردەن-ءبىر ۇيىم. Team Kazakhstan كومانداسىندا ەلگە تانىمال شەبەرلەرمەن قاتار كوپتەگەن اۋەسقوي ويىنشىلار بار (https://teamkazakhstan.kz/). كارانتين ۋاقىتىندا بوس ۋاقىتتى پايدالى وتكىزۋدەگى بۇل مۇمكىندىك ستۋدەنتتەر اراسىندا زور قىزىعۋشىلىق تۋدىرۋدا.

ۇلتتىق دەنە تاربيەسى ورتالىعىنىڭ فەيسبۋك (https://www.facebook.com/NNPCFK) جانە nnpcfk_sport ينستاگرام پاراقشاسىندا تۋرنير جايلى اقپاراتتار جاريالانىپ تۇرادى.

قازىرگى تاڭدا ەلۋ جوعارى وقۋ ورنىنان سايىسقا قاتىسۋ ءۇشىن 120-دان اسا ءوتىنىم كەلىپ ءتۇستى.