Saqtansań saqtaıdy

Jer sharyna taralǵan jaman indettiń qasireti sál bosańdaı bastaǵan sekildi. Degenmen de arqany keńge salatan ýaqyt áli kelgen joq. Ol týraly Qazaqstan Prezıdenti Qasym-Jomart Toqaev halyqqa Joldaýyna aıtqan bolatyn.

Búgingi kúni sport salasy da aıtýly dertke qarsy barynsha ázirlikpen qarsy turyp keledi. Sport – ol densaýlyq kepili. Sonymen qatar elimizdiń atyn álemge shyǵaratyn birden-bir mańyzdy sala bolǵandyqtan Memleket basshysynyń da sport salasyna erekshe nazar aýdaryp otyrǵany qýantady. Almaty qalasynda kóptegen iri sport ǵımarattary men daryndy jastardy tárbıelep otyrǵan sport mektepteri, ınternat-kolledjder jeterlik. Sondyqtan da elimizdegi iri megapolıstegi sport oshaqtarynyń qazirgi kezde júrip jatqan indetpen qalaı kúresýde qandaı shara qoldanyp jatqandyǵy  barsha jurtty alańdatatyn ózekti másele. Osy oraıda, jýyrda  Ońtústiktegi sporttyń qal-ahýalyn bilý maqsatynda Mádenıet jáne sport vıe-mınıstri Sáken Musaıbekov  atalǵan vedomstvonyń Almaty qalasyndaǵy baǵynyshty sport uıymdarynyń jumysyn aralap kórgen bolatyn.

Is-sapar barysynda vıe-mınıstr  Kárken Ahmetov atyndaǵy Olımpıada rezervi respýblıkalyq mamandandyrylǵan mektep-ınternat-kolledjine jáne Shańyraq aýdanyndaǵy respýblıkalyq mamandandyrylǵan olımpıadalyq rezerviniń mektep-ınternat-kolledjine baryp aralap shyqty. Atalǵan oqý oryndarynyń eldegi jaǵdaıǵa qatysty kóldeneń turǵan máselelerimen tanysyp, mektep jataqhanasy, ár sport túrine arnalǵan sport zaldary men ashanasynyń jaı-kúıin kórip bildi. Almatydaǵa  tarıhy tereńde jatqan sport mektepteriniń ishinde Kárken Ahmetov atyndaǵy Olımpıada rezervi respýblıkalyq mamandandyrylǵan mektep-ınternat-kolledjiniń alar orny bólek. Negizi,  aıtýly mektep-kolledj kóp jyldan beri túrtse  tozyǵy kórinetin shaqqa kelip jetken bolatyn. Allanyń qalaýymen tarıhy tereńen tamyr alǵan aıtýly sport mektebine basshylyqqa Seıilhan Qaraqov myrza kelgeli, mektep ekinshi tynysyn alǵandaı qulpyryp sala sala berdi. Mekteptiń ishindegi sportshylarǵa arnalǵan jatahana, sport zaldar men ashanalar jańa zaman aǵamyna  saı qaıta jóndeýden ótkzilip, erekshe  baǵasyn aldy. «Jaqsy keldi –degenshe jaryq-keldi deseńshi»,  demekshi, óz isine isker, bilgir maman jatpaı-turmaı jan-jaqtan demeý kózderin tartyp, qurylysyn qaıta jańǵyrtyp el kórip rıza bolatyndaı jasap bitirdi. Al, osy mektep aýlasynda boı kótergen záýlim dzıýdo akademııasy týraly aıtar sóz ózgeshe. Búgingi kúni záýlim sport keshende  jattyǵatyn jasóspirim balýandar tolaǵaı tabystarǵa qol jetkizýde.  Bul dzıýdo akademııasy elimizdegi dzıýdo kúresine arnalǵan kóshbasshy sport saraıynyń biri biregeıi dep aıtýǵa tolyq negiz bar. Bota balýandarǵa bar jaǵdaı jasalǵan. Jasópirim balýandardyń armany bireý olımpıada asýyn baǵyndyrý. Armany myqty eldiń shyǵar bıigi de jarqyn bolary sózsiz. Qazaqstannyń atyn álemge tanytqan birqatar shoq juldyzdardyń tomaǵasyn sypyryp, qanatyn qataıtyp shyǵaryp otyrǵan beıne-bir ustahana ispettes  aıtýly sport oshaǵynda bolǵan vıe-mınıstr Sáken Musaıbekov sport zaldary men jataqhana, ashanalaryn túgeldeı  aralap kórip, mektep ujymynyń joǵary deńgeıde bar talapqa saı tyńǵylyqty  daıyndyq jumysyna  kózin jetkizip kóńili toldy. Iá, qazirgi jaǵdaıǵa qatysty sońǵy aılardy oqýshylar men kolledj stýdentteri  onlaın júıesimen oqyp bitirýge týra keldi. Degenmen de mektep ujymy aldaǵy oqýǵa qabyldaý maýsymyna da aıryqsha daıyndyq júrgizdi josparlaǵan eken.

Sondaı-aq, vıe-mınıstr dopıngke qarsy ulttyq ortalyqta jáne sportshylardyń dopıngke qarsy zerthanasynda boldy. Al dopıngke qarsy ulttyq ortalyq karantın kezinde de óz jumysyn toqtatpaǵan. Olımpıadaǵa lıenzııa alyp úlgergen sportshylarmen udaıy baılanysta ornatyp, ár sportshymen jeke onlaın kezdesý ótti. Sonymen qosa mınıstrlikke qarasty 5 uıymǵa arnaıy dopıngke qarsy sharalardy kúsheıtý mańyzdylyǵyna baılanysty onlaın semınar uıymdastyryldy.

Barlyq oqý ornynda karantın sharalary áli de bolsa qatań saqtalýda.

Almatydaǵy sport oryndaryn aralaǵan bılik ókilderi saqtyq sharalaryn bir sát bosańsytpaýdy durys dep otyr.

Shyn máninde elge ekpindep kirgen bul indetke qarsy turyp áli de bolsa saqtyq sharalaryn kúsheıtýdiń mańyzy zor. Sondyqtan da saqtanǵandy  saqtaıtynyn  umytpaǵanymz abzal.

Aqyn ORDABAIULY,

ALMATY