Jeti jastaǵy jas sportshy antııadrolyq velosherýge qatysty

Jas sportshy Altaır Omarov Qazaqstannyń bastamasymen BUU jarııalaǵan Iadrolyq synaqtarǵa qarsy halyqaralyq kún aıasynda otandyq dıplomattardyń «Beıbitshilik úshin velosıped» qozǵalysymen birlesip uıymdastyrǵan Shyǵys Norvegııa qalalary arqyly antııadrolyq velosherýge qatysty.

–Men soǵystyń bolmaýyn qalaımyn, barlyq elderdiń balalary bir-birimen erkin oınaýyna múmkindik bolýy kerek, — dedi jas otandasymyz  velosherý bastalmas buryn. Velosherýdiń ashylý rásimi Norvegııanyń Brýmýndal qalasynda aǵashtan jasalǵan álemdegi eń úlken ǵımarattyń janynda ótti.

Norvegııada Halyqaralyq ıadrolyq synaqtarǵa qarsy is-qımyl kúnine oraı uıymdastyrylǵan velosherý bastaldy.

Qazaqstan Respýblıkasynyń bastamasy boıynsha Birikken Ulttar Uıymy jarııalaǵan ıadrolyq synaqtarǵa qarsy Halyqaralyq is-qımyl kúni sheńberinde otandyq dıplomattar «Bike for Peace» («velosıpedshiler beıbitshilik úshin») qozǵalysymen birlesip, Shyǵys Norvegııa qalalary boıynsha antııadrolyq velojarys uıymdastyrdy.

Brýmýndal qalasynda ótken saltanatty ashylý rásimine Qazaqstannyń Norvegııadaǵy Elshisi Erkin Ahınjanov, Rıngsaker kommýnasynyń meri Anıta Ile Stın, bedeldi norvegııalyq saıasatker, memlekettik zeınetaqy qorynyń negizin qalaýshylardyń biri, burynǵy Norvegııa Qarjy mınıstri Sıgborn Ionsen, «Bike for Peace» qozǵalysynyń negizin qalaýshy Tore Nerland, ÚEU ókilderi, antııadrolyq qozǵalys pen qoǵam belsendileri qatysty.

Qazaqstan Elshisi óz sózinde, basty baǵyttarynyń biri ıadrolyq qarýǵa qarsy kúres pen qarýdy taratpaýdyń týraly aıtyp berdi.

–Qazaqstan Táýelsizdik alǵan sátte álemdegi tórtinshi ıadrolyq áleýetke ıe boldy. Bul el óz erkimen barlyq ıadrolyq qarýyn bólshektedi. Bul basqa ıadrolyq elder úshin úlgi», — dep atap ótti óz sózinde «Bike for Peace» qozǵalysynyń prezıdenti Tore Nerland.

Brýmýndaldan Hamar qalasy aralyǵynda ótken velojarysqa qatysýshylardy qala meri Eınar Býsterýd kútip alsa, qysqa úzilisten keıin sportshylar Hamardan Shtangta deıin jarysty. Onda olardy mer Nıls Rene de qarsy aldy.

Velojarysta Qazaqstan Elshisi Brýmýndal, Hamara jáne Shtange qalalarynyń ákimderimen birqatar ekijaqty kezdesýler ótkizdi. Kezdesýde óziniń suhbattasýshylaryn Qazaqstan Prezıdenti Q.Toqaevtyń jýyrda jarııalaǵan «Jańa jaǵdaıdaǵy Qazaqstan: Is-qımyl kezeńi» Joldaýynyń negizgi baǵyttarymen tanystyrdy, koronavırýsqa qarsy is-qımyl boıynsha bizdiń el basshylyǵynyń qabyldaǵan sharalary týraly toqtalyp, aýyl sharýashylyǵy, «Jasyl» ekonomıka, jańartylǵan energııa kózderi sııaqty salalardaǵy ózara is-qımyldyń tıimdi baǵyttaryn talqylady.

Alty kúnge sozylatyn velosherý barysynda qatysýshylar Shyǵys Norvegııanyń birneshe qalalaryna barady.

Rústem JUMANULY