SportPress.kz قازاقستان سپورت جاڭالىقتارى
قازاق كينوماتوگافياسى مەن ورتالىق ازيا ايماعى بويىنشا العاشقى كينومەحانيك قازاق ايەلى، كسرو كينوماتوگرافيا سالاسىنىڭ ۇزدىك قىزمەتكەرى، قۇرمەت جانە وكتيابر رەۆوليۋتسياسى وردەندەرىنىڭ يەگەرى، جامبىل جانە قورداي اۋداندارىنىڭ قۇرمەتتى ازاماتى ءراپيا حالىققىزى حالىقوۆا انامىز باقيلىق دۇنيەگە جول تارتتى.
حالىقتىڭ، تۋعان ەلىنىڭ ىستىق ىقىلاسىمەن كينو قويۋ سالاسىندا ولشەۋسىز ەڭبەك ەتكەن ۇلى انانىڭ ۇلى جۇرەگى 2021 جىلعى 25 مامىر كۇنى توقتاپ، ماڭگىلىك ساپارعا اتتاندى.
ءراپيا انامىزدان جاس تا كارى دە ۇلگى الىپ، ماقتاناتىن ەدى. ول كىسىنى جاقسى كورمەگەن جان بولماعان. ءراپيا انامىز تۋرالى قازاقفيلم «ءراپيا» دەگەن دەرەكتى ءفيلمدى ايگىلى رەجيسسەر وراز ابىشەۆ 1984 جىلى ءتۇسىرىپ جارىققا شىعارسا، ۇلى بەلگىلى جۋرناليست اقىن ورداباي ۇلى «ءراپيا» دەگەن قۇندى كىتاپتى ەلگە تارتۋ ەتتى.
ءراپيا حالىققىزىنىڭ ءومىرى تەك ۇلاعاتپەن، ىزگىلىكپەن ورىلگەن ومىردەن تۇرادى. ول – ماسكەۋدە وتكەن بۇكىلوداقتىق كينوموتوگرافيا سالاسىندا وتكەن سەزدە ۇلكەن مىنبەدە تۇرىپ، قازاقستانداعى حالىققا كينو قويۋ سالاسىنداعى وزەكتى ماسەلەلەردى قايمىقپاي اشىق ايتا بىلگەن قايسار انا. اسىل انانىڭ ءومىرجولىندا قانشاما قيىنشىلىقتار كەزدەسسە دە ول ەش ۋاقىتتا مويىماي تىك تۇرىپ جەڭە بىلگەن. ناعىز باتىر انا دەسە بولادى. سولاردىڭ ءبىرى قازاق حالقىنىڭ باسىنا كەلگەن اشتىق ناۋبەتى ەدى. انامىز اشارشىلىقتى دا كوزىمەن كورگەن ادامنىڭ ءبىرى.
ۇلى وتان سوعىسىنان كەيىنگى اۋىر جىلداردا ءراپيا اپامىز تىنىمسىز ەڭبەك ەتىپ، بار اۋىرتپالىقتى ەڭسەرە ءبىلدى. ەل قۇرمەتىنە تالماي ەتكەن ەڭبەگىمەن جەتە بىلگەن اياۋلى انا، اقتىق دەمى قالعانشا، ەلدىڭ، بالا-شاعانىڭ تىلەۋىن تىلەپ وتىردى. وسىلايشا عازيز انا، 86 جاسىندا اللانىڭ قالاۋىمەن جارىق دۇنيەمەن قوشتاستى. ءراپيا انانىڭ ماپەلەپ وسىرگەن ۇل-قىزدارى بۇل كۇندە ەلىمىزدىڭ كورنەكتى سالالارىندا قىزمەت ەتىپ ءجۇر. انا –مەيىر، انا – باقىت، انا – ءومىر دەگەن وسى بولار. ارتىنا وشپەس ءىز قالدىرعان ءراپيا حالىققىزىنىڭ قايتىس بولۋى ورنى تولماس قازا.
اسىل انانىڭ تۋعان-تۋىستارى مەن وسكەن ورتاسىنا قايعىرىپ كوڭىل ايتامىز. اللا ءراپيا حالىققىزىن راحىمىنا الىپ، جانى جانناتتان بولسىن! توپىراعىڭىز تورقا بولسىن ەلاناسى!
