الماتىدا تەننيستەن TS CUP جۇپتىق جارىسىنىڭ جالاۋى جەلبىرەدى

11 قىركۇيەك كۇنى الماتى قالاسىنداعى تسسكا قتف تەننيس ورتالىعىنىڭ كورتتارىندا سەرىك ءتولباسوۆ قورىنىڭ قولداۋىمەن تەننيس جانكۇيەرلەرى اراسىندا TS CUP فينالدىق ءتۋرنيرى ءوتتى.

اۋەسقوي تەننيسشىلەر جۇپتىق جارىستا كۇش سىناسىپ، 3 ملن تەڭگە بولاتىن جۇلدە قورىن ساراپقا سالدى.

بۇل جارىس بيىلعى 20 ءساۋىر كۇنى باستالعان سەريادا ءتورتىنشى، قورىتىندى جارىس بولدى. ءبىر جىل ىشىندە TS CUP تۋرنيرلەرىنە قازاقستاننان 37 سپورتشى قاتىستى. جارىستىڭ جۇلدە قورى 7،5 ملن تەڭگە بولدى.

جارىستىڭ ۇيلەستىرۋشىسى ەرلان بالعارين بولسا، باس تورەشى بولىپ سپورت شەبەرلىگىنە ۇمىتكەر ارتەم اششەۋلوۆ قازىلىق ەتتى.

ءتۋرنيردىڭ سوڭىندا ەرلان بالعارين TS CUP جارىسىنا باعا بەردى. ول جالپى ءتۋرنيردىڭ وتە جاقسى دەڭگەيدە وتكەنىن اتاپ ايتتى.

ماعان اسىرەسە، ناقتى قۇرىلىمدالعان رەيتينگ جۇيەسى، ءتۋرنيردىڭ فينالىنا ۇزدىك ويىنشىلاردىڭ بىلىكتىلىگى بار ءۇش ىرىكتەۋ ءتۋرنيرى مەن فينالدىق چەمپيوناتتى وتكىزۋ يدەياسى ۇنادى. بۇل — قازاقستان ءۇشىن عانا ەمەس، تمد ەلدەرى ءۇشىن دە بىرەگەي تۇجىرىمداما.

ءبىر ۇيىمداستىرۋشىنىڭ ءوزى ءبىر جىلدىڭ ىشىندە ۇلكەن تۋرنيرلەردىڭ تۇتاس سەرياسىن جانە فينالدىق چەمپيوناتتى وتكىزۋى سيرەك كەزدەسەدى. ءتۋرنيردى وتكىزۋگە جوعارى دەڭگەيدەگى جايلىلىق، اقپاراتتىق كونتەنت جانە كەرەمەت جاعدايلاردى قامتاماسىز ەتە العان ۇيىمداستىرۋشى توپتىڭ ۇيلەسىمدىلىگىن ايتقىم كەلەدى، — دەدى ول.

سەريانىڭ ۇزدىك ويىنشىلارى اۋىسپالى كۋبوگىن ساراپقا سالدى. بۇل كۋبوك وتانداستارىمىزدىڭ قولىنان شىققان. ونى زەرگەرلەر جاساعان. كۋبوكتىڭ سالماعى — 15 كگ. ول جەزدەن جاسالعان جانە 925 سىنامالى كۇمىسپەن قاپتالعان. تروفەي تىرەگى تازا قاتتى قاراعايدان كەسىلگەن.

جارىس ەكى كەزەڭ بويىنشا ءوتتى. ءبىرىنشىسى، توپتىق جارىس، ەكىنشىسى — play off. توپتىق كەزەڭدە جۇپتار ءبىر سەتتەن التىعا دەيىنگى فورماتتا اينالىمدىق ماتچتار وتكىزدى. Play off كەزەڭىندە جۇپتار فينالعا شىعۋ، ءبىرىنشى جانە ءۇشىنشى ورىندار ءۇشىن ماتچتار وتكىزدى.

سونىمەن بيىلعى جارىستا ءوز تەگىن جازۋ قۇرمەتىنە الەكساندر نەيلاند پەن بولات تۇرسىنحانوۆ يە بولدى. ەكىنشى ورىندى ميحايل زوروۆ پەن فارحاد قوبلاندى، ءۇشىنشى ورىندى رومان ماركوۆ پەن يدەل ءسابيتوۆ يەلەندى.

بارلىق جەڭىمپازدار ەستەلىك مەدالدارمەن جانە ديپلومدارمەن ماراپاتتالدى. سونداي-اق قوماقتى اقشالاي سىيلىقتار الدى.

بەلگىلى قازاقستاندىق بيزنەسمەن جانە مەتسەنات سەرىك ءتولباسوۆ بىرنەشە رەت اتاپ وتكەندەي، TS CUP تۋرنيرلەرىنىڭ نەگىزگى ماقساتى — سالاۋاتتى ءومىر سالتىن ناسيحاتتاۋ جانە ەلىمىزدە ۇلكەن تەننيستە جۇپتىق ويىندى داعدىعا اينالدىرۋ.

TS CUP ۇيىمداستىرۋشىلارى مۇنداي جارىستاردى تۇراقتى وتكىزۋگە نيەتتى.

ءبىز سپورتشىلاردىڭ ويىنعا تولىق كوڭىل ءبولۋى ءۇشىن بارلىق جاعدايدى جاساۋعا تىرىستىق. بۇعان بىزگە تۋرنيرلەردىڭ رەسمي سەرىكتەستەرى – Samal سۋ ساۋدا ماركاسى جانە «تسسكا» قتف كومەكتەستى. TS CUP سەرياسىنا اقپاراتتىق قولداۋدى تەك قازاقستاندىق باسىلىمدار عانا ەمەس، سونىمەن قاتار رەسەيلىك Tennis Weekend جانە Amatour جۋرنالدارى دا كورسەتتى، — دەدى بيزنەسمەن.

ءتولباسوۆ قورىنىڭ ءباسپاسوز قىزمەتى،

الماتى