Álem chempıonatyna irikteý: Qazaqstan Chernogorııany iri eseppen utty

Almatyda fýtzaldan 2024 jylǵy álem chempıonatynyń irikteý týrnıriniń matchy boldy. Onda Qazaqstan quramasy Chernogorııa komandasymen kezdesip, 7:0 esebimen utty.

Bul matchta goldardy Dýglas (2-mınýt), Ábdirasýl Ábdimanapuly (4), Arnold Knaýb (15), Albert Aqbalyqov (21), Birjan Orazov (25, 25) pen Azat Valıýllın (40) saldy.

Osylaısha, Qazaqstan quramasy toǵyz upaı jınap, negizgi kezeńniń besinshi tobyndaǵy birinshi ornyn saqtap qaldy. Qazir elimizdiń ulttyq qurama komandasynda úsh oıynnan keıin 9 upaı bar. Ekinshi orynda eki matchtan keıin úsh upaı jınaǵan Slovenııa tur. Úshinshi oryndaǵy Chernogorııada upaı joq.

Týrnır erejesi boıynsha komandalar óz alańynda jáne syrt alańda bir-birimen bir match ótkizedi. Toptyń on eki jeńimpazy men úzdik tórt ekinshi oryn alǵany tikeleı Elıtalyq raýndqa shyǵady. О́z toptarynda ekinshi oryn alǵan taǵy segiz komanda pleı-off kezeńine joldama alady.

Dastan KENJALIN,

ASTANA