الەم چەمپيوناتىنا ىرىكتەۋ: قازاقستان چەرنوگوريانى ءىرى ەسەپپەن ۇتتى

الماتىدا فۋتزالدان 2024 جىلعى الەم چەمپيوناتىنىڭ ىرىكتەۋ ءتۋرنيرىنىڭ ماتچى بولدى. وندا قازاقستان قۇراماسى چەرنوگوريا كومانداسىمەن كەزدەسىپ، 7:0 ەسەبىمەن ۇتتى.

بۇل ماتچتا گولداردى دۋگلاس (2-مينۋت)، ءابدىراسۋل ءابدىماناپ ۇلى (4)، ارنولد كناۋب (15)، البەرت اقبالىقوۆ (21)، ءبىرجان ورازوۆ (25، 25) پەن ازات ۆاليۋللين (40) سالدى.

وسىلايشا، قازاقستان قۇراماسى توعىز ۇپاي جيناپ، نەگىزگى كەزەڭنىڭ بەسىنشى توبىنداعى ءبىرىنشى ورنىن ساقتاپ قالدى. قازىر ەلىمىزدىڭ ۇلتتىق قۇراما كومانداسىندا ءۇش ويىننان كەيىن 9 ۇپاي بار. ەكىنشى ورىندا ەكى ماتچتان كەيىن ءۇش ۇپاي جيناعان سلوۆەنيا تۇر. ءۇشىنشى ورىنداعى چەرنوگوريادا ۇپاي جوق.

تۋرنير ەرەجەسى بويىنشا كوماندالار ءوز الاڭىندا جانە سىرت الاڭدا ءبىر-بىرىمەن ءبىر ماتچ وتكىزەدى. توپتىڭ ون ەكى جەڭىمپازى مەن ۇزدىك ءتورت ەكىنشى ورىن العانى تىكەلەي ەليتالىق راۋندقا شىعادى. ءوز توپتارىندا ەكىنشى ورىن العان تاعى سەگىز كوماندا پلەي-وفف كەزەڭىنە جولداما الادى.

داستان كەنجالين،

استانا