SportPress.kz Qazaqstan sport jańalyqtary
Jetisý oblysynda qazirgi zamanǵy shańǵy–bıatlon kesheni salynady. Bul týraly Pparlament Senaty depýtattarynyń saýalyna premer-mınıstr Álıhan Smaıylovtyń jaýabynda aıtylǵan.
«Qazirgi ýaqytta Jetisý oblysynda 25 balalar-jasóspirimder sport mektebi (budan ári – BJSM) bar. Onda 22 533 adam oqıdy. Onyń ishinde shańǵy jarysymen 121 oqýshy aınalysady. Olarmen 6 jattyqtyrýshy jumys isteıdi. Alakól jáne Sarqan aýdandarynda Jetisý oblysy ákimdiginiń dene shynyqtyrý jáne sport basqarmasynyń qysqy sport túrlerin damytý boıynsha BJSM jumys isteıdi», — dedi Álıhan Smaıylov.
Onyń aıtýynsha, bıyl Sarqan aýdanynyń Cherkas aýyldyq okrýginde shańǵy sportyn damytý úshin «Amanat» JShS qarajaty esebinen 800 jáne 200 metr býgel kótergishteri (taý shańǵyshylary men snoýbordshylardy taýǵa súıreýge arnalǵan jabdyq) bar «Terekti shańǵy bazasy» salynyp, paıdalanýǵa berildi. Demeýshilik qarajat somasy 120 mln teńge boldy.
«Memleket basshysynyń 2022 jylǵy 20 qazandaǵy Jetisý oblysyna jumys sapary barysynda bergen tapsyrmasyn iske asyrý úshin óńir ákimdigi boljamdy birjolǵy ótkizý qabileti 250-300 adam jáne jalpy quny shamamen 20 mlrd teńge bolatyn qazirgi zamanǵy shańǵy – bıatlon keshenin salý úshin 20-25 gektar jer bólý máselesin pysyqtaýda. Sarqan aýdany men Tekeli qalasy qysqy sport túrlerin damytýǵa neǵurlym qolaıly aımaq bolǵanyna baılanysty qurylys salýǵa jer ýchaskesin tańdaý jáne bólý úshin Jetisý oblysy ákimdiginiń salalyq basqarmalarynyń ókilderinen komıssııa qurý josparlanǵan. Keshende shańǵy jarysy, bıatlon, snoýbord, frıstaıl mogýl jáne akrobatıka sııaqty qysqy sport túrlerin damytý kózdeledi. Keshenniń qurylysy 2024-2027 jyldarǵa arnalǵan respýblıkalyq jáne jergilikti bıýdjetter qarajaty esebinen boljanady», — dedi Úkimet basshysy.
Dastan KENJALIN
