«قايرات» مالتالىق كلۋبپەن تەڭ ءتۇستى

فۋتزالدان چەمپيوندار ليگاسىنىڭ ەليتالىق اينالىمىندا الماتىنىڭ «قايرات» كلۋبى مالتانىڭ «ليۋكسول سەنت-ەندريۋس» كومانداسىمەن كەزدەسءىپ، 0:0 ەسەبىمەن تەڭ ءتۇستى.

كەزدەسۋدە كوماندالار ءبىر-ءبىرىنىڭ قاقپاسىن اڭدىپ، قاۋىپتى شابۋىلدار جاسادى. الايدا، ودان ەش ناتيجە بولمادى. ءبىرىنشى تايمدا قارسىلاستار گول سالا المادى.

ەكىنشى تايمدا دا جاعداي وسىلاي بولدى. «قايرات» ويىن تىزگىنىن ءوز قولىنا الۋعا تىرىسىپ، قاۋىپتى سوققىلار جاساپ كورىپ ەدى، ودان ناتيجە شىقپادى.  جانكۇيەرلەر ماتچتىڭ سوڭىنا دەيىن گولدى كورە الماي قايتتى.

كەزدەسۋ 0:0 ەسەبىمەن تەڭ اياقتالدى.

ەندى الماتىنىڭ كلۋبى بۇگىن «حرۋديم» كومانداسىمەن كەزدەسەدى.

چەحيالىق كلۋب تا پورتۋگاليانىڭ «بەنفيكا» كومانداسىمەن 3:3 ەسەبىمەن تەڭ ءتۇستى.

س توبىنداعى ويىندار 22-27 قاراشا ارالىعىندا وتەدى. ءاربىر توپتىڭ جەڭىمپازى ءتۋرنيردىڭ باس جۇلدەسىن ساراپقا سالاتىن ءتورت كوماندانىڭ قاتارىنا قوسىلادى.

قازىر س توبىندا «حرۋديم» (چەحيا) مەن «بەنفيكا» (پورتۋگاليا) كلۋبى دا كۇش سىناسۋدا.

داستان كەنجالين،

استانا