«Qaırat» maltalyq klýbpen teń tústi

Fýtzaldan Chempıondar lıgasynyń elıtalyq aınalymynda Almatynyń «Qaırat» klýby Maltanyń «Lıýksol Sent-Endrıýs» komandasymen kezdesip, 0:0 esebimen teń tústi.

Kezdesýde komandalar bir-biriniń qaqpasyn ańdyp, qaýipti shabýyldar jasady. Alaıda, odan esh nátıje bolmady. Birinshi taımda qarsylastar gol sala almady.

Ekinshi taımda da jaǵdaı osylaı boldy. «Qaırat» oıyn tizginin óz qolyna alýǵa tyrysyp, qaýipti soqqylar jasap kórip edi, odan nátıje shyqpady.  Jankúıerler matchtyń sońyna deıin goldy kóre almaı qaıtty.

Kezdesý 0:0 esebimen teń aıaqtaldy.

Endi Almatynyń klýby búgin «Hrýdım» komandasymen kezdesedi.

Chehııalyq klýb ta Portýgalııanyń «Benfıka» komandasymen 3:3 esebimen teń tústi.

S tobyndaǵy oıyndar 22-27 qarasha aralyǵynda ótedi. Árbir toptyń jeńimpazy týrnırdiń bas júldesin sarapqa salatyn tórt komandanyń qataryna qosylady.

Qazir S tobynda «Hrýdım» (Chehııa) men «Benfıka» (Portýgalııa) klýby da kúsh synasýda.

Dastan KENJALIN,

ASTANA