الەمدەگى ەڭ ەگدە فۋتبولشى ەۋروپادا ويناعىسى كەلەدى

55 جاستاعى جاپونيالىق فۋتبولشى كادزۋەسي ميۋرا پورتۋگاليانىڭ ەكىنشى ديۆيزيونىنداعى «وليۆەيرەنسە» كلۋبىمەن قىسقا مەرزىمدى كەلەسىمشارتقا وتىردى. بۇل تۋرالى Nikkan Sport حابارلادى.

ميرۋا كلۋبتىڭ ينفراقۇرىلىمىن كورۋگە پورتۋگالياعا بارىپ تا ۇلگەرىپتى. ال كەلىسىم كەلەسى جىلدىڭ قاڭتارىنا دەيىن جاسالعان. سودان كەيىن كادزۋەسي قايتادان جاپونياعا ورالىپ، «يوكوگاما» كومانداسىنا قوسىلادى.

ميۋرا — الەمدەگى جاسى ەڭ ۇلكەن فۋتبولشى. ول 1990-2000 جىلدارى جاپونيا قۇراماسىندا ويناعان. سونىمەن بىرگە فۋتزال قۇراماسى ءۇشىن دە ونەر كورسەتكەن. ال كلۋبتىق كارەراسىندا جاپونيانىڭ كوماندالارىن ەسەپكە الماعاندا «دجەنوا»، «كرواتسيا»، «سيدنەي» كلۋبتارى مەن برازيليادا ويناعان.

داستان كەنجالين،

استانا