Qazaq kúresinen álem chempıonaty aıaqtaldy

Mınsk qalasynda qazaq kúresinen jetinshi əlem chempıonaty aıaqtalyp, taǵy bir dúbirli doda tarıh qoınaýyna ketti.

Qazaq kúresinen əlem chempıonatyn eki aıdyń ishinde uıymdastyryp ótkizgen Belarýs Respýblıkasynyń Sport mınıstrligi men Belarýs qazaq kúresi federaııasyna alǵystan basqa aıtarymyz joq. Mınskdegi eń úlken «Olımpııskıı» sport keshenin berip, əlemniń túkpir-túkpirinen kelgen palýandarǵa barlyq jaǵdaıyn jasapty. Jarys ótetin jer men qonaq úı bir jerge ornalasqan. Palýandardyń úsh mezgil tamaǵy daıyn. Bir sózben aıtqanda uıymdastyrý jaǵy keremet. Bul ərıne eń birinshi dúnıejúzilik qazaq kúresi federaııasyn basqaryp otyrǵan Islam Əbishev pen Serik Tókeev aǵalarymyzdyń eńbegi ekeni daýsyz. Əlem birinshiliginde jeńimpaz atanǵan palýandar 2 000, ekinshi orynǵa 1 000 jəne úshinshi orynǵa ıe bolǵandar 500 dollardan syıaqyǵa ıe bolsa, túıe palýandar bəsekesiniń jeńimpazdary tıisinshe 4,3 jəne 2 000 dollardan aldy. Bul ərıne palýandar úshin keremet múmkindik ekeni sózsiz.

Dúnıejúzilik qazaq kúres federaııasynyń bul jerdegi maqsaty ulttyq kúresimizge degen ózgelerdiń qyzyǵýshylyǵyn arttyrý dep bilemiz. Jyldan-jylǵa shet eldikterdiń qazaq kúresine degen yntasy artyp, osyndaı dodalarda bizdiń palýandarǵa myqty qarsylyq kórsetýi sózimizge dəlel bola alady.

Bul chempıonat tarıhta tuńǵysh ret əıelder arasynda ótýimen de erekshe boldy. Buıyrsa aldaǵy ýaqytta əıelder arasynda qazaq kúresi myqtap damıtyn bolady.

Chempıonattyń ashylý saltanatyna Dúnıejúzilik qazaq kúresi federaııasynyń qurmetti prezıdenti, aty ańyzǵa aınalǵan palýan Aleksandr Medved pen federaııanyń taǵy bir qurmetti prezıdenti, sport janashyry Qajymuqan Məsimovterdiń qatysýy dodanyń bedelin arttyra tústi desek artyq aıtqandyq emes shyǵar. Sonymen qatar, Belarýs elindegi Qazaqstan elshisiniń keńesshisi О́mirzaq Beıspekov te qatysyp, elshilik atynan syı-sııapat usynǵanyń da aıta ketken jón.

Sonymen 7-shi əlem chempıonatynyń jeńimpazdary bolǵan palýandar : Jaqsylyq Musyrmanov (60 kılo, Qazaqstan), Alı Tursynov (70 kılo, Reseı), Hamroz Rajabov (80 kg, Təjikstan), Erlan Omarov (90 kg, Qazaqstan), Talǵat Əmrenov(+90 kg, Qazaqstan) jəne absoltti salmaqta Aleksandr Vahabıak (Belarýs).
Sonymen qatar əıelder arasynda tarıhta tuńǵysh əlem chempıony atanǵandar: Altynaı Habı (70 kg, Qazaqstan) jəne Otgon Mýnheeg (+70 kg, Mońǵolııa). Bizdiń Qaljan Taıjan jaraqatyna baılanysty ekinshi oryn alyp qaldy.

Osylaısha, əlem chempıonaty aıaqtalyp, Mınskmen qosh aıtystyq. Endi qarasha aıynda Brazılııada qazaq kúresinen Pan Amerıka oıyndary ótedi.

Musaǵalı TASQALIEV,

Mınsk (Belarýs)