Qazaqstan alǵash ret ótetin United Cup týrnırine qatysady

29 jeltoqsan – 8 qańtar aralyǵynda Avstralııanyń Brısben, Pert jáne Sıdneı qalalarynda alǵash ret United Cup komandalyq týrnıri ótedi.

Bul dodaǵa qatysatyn tennısshiler ATP jáne WTA reıtıngisinde 500 upaıǵa deıin ıe bolyp, tabys qoryn tolyqtyra alady.

Týrnırde elimizdiń namysyn Iýlııa Pýtıneva (№51), Jibek Qulambaeva (juptyq synda №202), Gózal Aınıtdınova (juptyq synda №392), Aleksandr Býblık (№37), Tımofeı Skatov (№142), Denıs Evseev (№292) pen Grıgorıı Lomakın (juptyq synda №205) qorǵaıdy.

V tobynda otandastarymyz Polsha jáne Shveıarııa quramalarymen synǵa túsedi. Bul toptaǵy oıyndardyń bári Brısbende ótedi.

Qazaqstan áıelder quramasy Polsha tennısshilerimen Bıllı Djın Kıng kýbogynyń irikteý satysynda aldaǵy jyldyń sáýirinde Astanada da oınaıdy.

Polsha quramynda týrnırge myna tennısshiler qatysady: Iga Sventek (№1), Hýbert Hýrkach (№10), Magda Lınett (№48), Kasper Jýk (№245), Danıel Mıhalskıı (№260), Alıııa Rosolskaıa (juptyq synda №32), Lýkash Kýbot (№245).

Shveıarııa komandasynda Belında Benchıch (№12), Sten Vavrınka (№148), Jıl Taıhman (№35), Mark-Andrea Hıýsler (№56), Ilena In-Albon (juptyq synda №124), Domınık Stefan Shtrıker (№118), Djoan ýger (№188), Aleksander Rıchard (№169) kortqa shyǵady.

29 jeltoqsan kúni alǵashqy bolyp Iýlııa Pýtıneva oınaıdy. Odan keıin kortqa Tımofeı Skatov shyǵady. Pýtıneva shveıarııalyq Belında Benchıchpen kúsh synasady. Onymen bes ret kezdesip, úsheýinde jeńgen edi. Skatovtyń qarsylasy – Mark-Andrea Hıýsler.

Dastan KENJALIN,

ASTANA