• Қазақ
  •   
  • Qazaq
  •   
  • قازاق
  •   
  • Рус
  •   

    قازاقتىڭ التىن قىزى — التىناي!

    5-8 قازان كۇندەرى قازاق كۇرەسىنەن مينسك قالاسىندا وتكەن  جەتىنشى əلەم چەمپيوناتىنىڭ وزگەشەلىگى، تاريحتا تۇڭعىش رەت ەرلەرمەن قاتار əيەلدەر اراسىندا بەلدەسۋلەر وتكەنى بولدى. تۇڭعىش رەت قازاق كۇرەسىنەن əيەلدەر اراسىنان əلەم چەمپيونى اتانۋ ءۇشىن بوز كىلەمدە بەلدەسكەن ارۋلاردىڭ ونەرىنە كۋə بولۋ باقىتى بىزگە بۇيىردى.

    چەمپيوناتتا ەرلەر 6 سالماقتا بەلدەسسە، قىزدار 2 سالماقتا باقتارىن سىناپ، ەل نامىسىن قالجان تايجان (اتىراۋ) مەن التىناي حابي (استانا) سەكىلدى ارۋلارىمىز قورعادى.

    سامبو كۇرەسىنەن əلەم چەمپيوناتىنىڭ جۇلدەگەرى، 4 دۇركىن ازيا چەمپيونى، بەلبەۋ كۇرەسى مەن كۋراشتان əلەم چەمپيونى قالجان تايجان +70 كيلودا سىنعا ءتۇسىپ، موڭعوليالىق وتگون مۋحتسەتسەگتەن ۇتىلىپ قالدى. بىرىنشىدەن قالجاننىڭ بۇرىڭعى جاراقاتى سىر بەرىپ كۇرەسە الماسا، ەكىنشىدەن موڭعول قىزى شىنىمەن دە مىقتىلىعىن دالەلدەدى. قازاق كۇرەسىنەن əلەم چەمپيونى اتانىپ كەتتى. قالجان ءۇشىن تۇڭعىش رەت قازاق كۇرەسىنەن əلەم چەمپيوناتىنىڭ كۇمىس جۇلدەگەرى دەگەن اتاق تا جامان ەمەس. دەگەنمەن…

    قالجان جىبەرگەن ەسەنى 70 كيلودا التىناي قىزىمىز قايتاردى. ءبىر قاراعاندا نəزىك بولىپ كورىنەتىن التىناي بوز كىلەمگە شىعا سالىسىمەن وزگەرىپ سالا بەرەدى ەكەن. ەل ءۇمىتىن ارقالاعان التىنايجان قارسىلاس شاق كەلتىرمەدى. الىپ تا جىقتى، شالىپ تا جىقتى. فينالدا بەلگيالىق پالۋاننان ايلاسىن اسىرىپ، قازاق كۇرەسىنەن əيەلدەر اراسىندا تۇڭعىش əلەم چەمپيونى اتاندى!

    ەندى سىزدەرگە قازاقتىڭ التىن قىزىن تانىستىرىپ وتەيىك. تاريحتا التىن əرىپپەن جازىلىپ قالعان التىناي تۋرالى سىزدەر دە ءبىلىپ جۇرىڭىزدەر.

    جامبىل وبلىسىنىڭ تۇرىكسىب اۋدانىندا دۇنيەگە كەلگەن التىناي كۇرەس əلىپپەسىن 2009 جىلى ايگۇل بولاتبەكوۆا دەگەن باپكەردەن باستاپتى. ءبىر جىلدىڭ ىشىندە 12 جاسىندا دزيۋدو كۇرەسىنەن وتكەن 14-15 جاستاعى قىزدار اراسىندا قازاقستان چەمپوناتىنىڭ قولا جۇلدەگەرى، كوپ كەشىكپەي 12-13 جاس اراسىندا قازاقستان چەمپيونى بولادى دا، 2010 جىلى استانا قالاسىنداعى قاجىمۇقان مۇڭايتپاسوۆ اتىنداعى سپورتتاعى دارىندى بالالارعا ارنالعان سپورت ينتەرناتىنىڭ 8 سىنىبىنا قابىلدانادى.

    بۇل جەردە بولات دانياروۆ دەگەن بىلىكتى باپكەردىڭ قول استىندا جاتتىققان التىنايدىڭ جەڭىستى جولى جالعاسىپ جۇرە بەردى. جاستار اراسىندا قر سپارتاكياداسىندا توپ جارسا، əيەلدەر اراسىنداعى سپارتاكيادادا كۇمىسپەن كۇپتەلدى. 1997-1998 جىلدارى تۋعان قىزدار اراسىندا قازاقستان چەمپيونى، 1996-1997 جىلعىلار اراسىندا ەكى دۇركىن كۇمىس جۇلدەگەر بولدى.

    سونىمەن قاتار، التىناي كوپتەگەن حالىقارالىق جəنە سپورت شەبەرى اتاعىن بەرەتىن تۋرنيرلەردى ۇتىپ سپورت شەبەرى اتاندى.

    2015 جىلى قازاق كۇرەسىنەن جاستار اراسىندا قازاقستان چەمپيوناتىندا ەكىنشى ورىن العان التىناي، مىڭە مينسكدە قازاق كۇرەسىنەن əيەلدەر اراسىندا تۇڭعىش رەت قازاق قىزدارىنان شىققان əلەم چەمپيونى اتاعىنا قول جەتكىزدى!

    جۇلدەڭ قۇتتى بولسىن قازاقتىڭ التىن قىزى — التىناي! ءبىز سەنى ماقتان ەتەمىز!

    مۇساعالي تاسقاليەۆ،
    اقتوبە-ماسكەۋ-مينسك

    2 پىكىر

    1. التىناي جۋلدەن كۋتتى بولسن.ۋيستىپ كازاكستاننىن اتىن شىگارابەر.بيىك شىنداردان كورىنەبەر . ويگا الگان ماكساتىنا ارمانىنا جەتە بەر.بىز كۋانىشتىمىز.وسى كازاكستاندىك باسشىلارىمىز كانداي سىي تارتتى باسشىلارىمىزگا.

      • باتىر كىزىمىزگا كانداي سىي تارتتى ەكەن.وسىنداي باتىر كىزدارىمىزدى تەلەديداردان كورسەتىپ جاستارگا ۋلگى كىلمادى ما¿

    پىكىر جازۋ

    Your email address will not be published. Required fields are marked *

    *