Қазақстан академиялық ескек есуден екі жүлде алды

Вьетнамның Хайфон қаласында ересектер арасында академиялық ескек есуден өтіп жатқан Азия чемпионатында Қазақстан қоржынына 2 медаль түсті, деп хабарлады Туризм және спорт министрлігі Спортты дамыту дирекциясының баспасөз қызметі.

Күміс медаль – 2 000 метрге әйелдер арасында жеңіл салмақтағы 4 спортшы. Команда құрамы – Роза Кеңес, Мария Чернец, Екатерина Носкова, Ирина Чудина.

Қола жүлде – 2000 метрге ерлер арасында жеңіл салмақтағы спортшылар – Артём Матусевич.

Ертең, 19 қазанда тағы финалдар болады. Биыл құрлықтағы 18 елден жиналған 232 ескек есу шебері жүлдеге таласып жатыр.

Былтыр Өзбекстанның Самарқан қаласында өткен Азия чемпионатында Қазақстан 2 күміс, 7 қола медальмен жалпыкомандалық есепте жетінші орыннан көрінген.