قازاقستان اكادەميالىق ەسكەك ەسۋدەن ەكى جۇلدە الدى

ۆەتنامنىڭ حايفون قالاسىندا ەرەسەكتەر اراسىندا اكادەميالىق ەسكەك ەسۋدەن ءوتىپ جاتقان ازيا چەمپيوناتىندا قازاقستان قورجىنىنا 2 مەدال ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

كۇمىس مەدال – 2 000 مەترگە ايەلدەر اراسىندا جەڭىل سالماقتاعى 4 سپورتشى. كوماندا قۇرامى – روزا كەڭەس، ماريا چەرنەتس، ەكاتەرينا نوسكوۆا، يرينا چۋدينا.

قولا جۇلدە – 2000 مەترگە ەرلەر اراسىندا جەڭىل سالماقتاعى سپورتشىلار – ارتيوم ماتۋسەۆيچ.

ەرتەڭ، 19 قازاندا تاعى فينالدار بولادى. بيىل قۇرلىقتاعى 18 ەلدەن جينالعان 232 ەسكەك ەسۋ شەبەرى جۇلدەگە تالاسىپ جاتىر.

بىلتىر وزبەكستاننىڭ سامارقان قالاسىندا وتكەن ازيا چەمپيوناتىندا قازاقستان 2 كۇمىس، 7 قولا مەدالمەن جالپىكوماندالىق ەسەپتە جەتىنشى ورىننان كورىنگەن.