ÝEFA Sýperkýbogynyń fınaly Reseıde ótpeıtin boldy

Eýropanyń fýtbol qaýymdastyqtarynyń odaǵy (ÝEFA) bıylǵy jylǵy Eýropa sýperkýbogy Reseıde ótpeıtinin resmı túrde málimdedi.

ÝEFA-nyń Atqarýshy komıteti Chempıondar lıgasy men Eýropa lıgasynyń jeńimpazy arasyndaǵy match Tatarstannyń astanasy Qazan qalasynan Grekırnyń astanasy Afınada bolatynyn habarlady.

Eýropa sýperkýbogy úshin oıyn 16 tamyzda «Olımpıakos» klýbynyń stadıony «Georgıos Karaıskakıs» alańynda ótedi.

2020 jyly 2 naýryzda Amsterdamda ótken ÝEFA Atqarýshy komıtetiniń otyrysynan keıin Qazan qalasy ÝEFA Sýperkýbogy fınal kezdesýin ótkizý quqyǵyn jeńip alǵan edi. Buǵan deıin Reseıde buryn-sońdy ÝEFA Sýperkýbogynyń matchy ótken emes.

ÝEFA Reseıdiń Ýkraınaǵa qarsy soǵysynan keıin reseılik klýbtar men erler jáne áıelder ulttyq quramalarynyń jarystarǵa qatysýyn ýaqytsha toqtatty. Sol sebepti Sankt-Peterbýrg byltyr 28 mamyrda ÝEFA Chempıondar lıgasynyń fınalyn ótkizý quqyǵynan aıyrylǵan bolatyn.

Dastan KENJALIN,

ASTANA