Tennısten Qazaqstan quramasy álem chempıonatyna joldama aldy (FOTO)

Astanadaǵy tennısten ótken Bıllı Djın Kıng kýbogynyń irikteý kezeńi aıasynda Qazaqstan men Polsha komandalarynyń matchynda elimizdiń birinshi, álemniń jetinshi raketkasy Elena Rybakına qarsylasy álemniń 19-raketkasy Magda Lınetti utty.

Keshe 2:0 esebimen alǵa shyqqandyqtan, Qazaqstan quramasyna komandalyq álem chempıonatyna joldama alý úshin endi bir ǵana jeńis jetkilikti edi.

Birinshi partııada esep 4:4 bolǵan kezde  Rybakına breık jasap, sosyn setke dop bergende, óz múmkindigin jibermeı esepti 6:4-ge jetkizdi.

Ekinshi sette otandasymyz 2:0 esebimen alǵa shyqqanymen, Magda Lınett tarazy basyn teńestirdi. Degenmen, Rybakına eki breık jasap, birinshi matchbolyn paıdalanyp, 6:2 esebimen utty.

Osylaısha, Qazaqstan Polshamen matchta 3:0 esebimen alǵa shyǵyp, álem chempıonatynyń fınaldyq kezeńine joldama aldy.

Rybakına men Lınettiń oıyny  1 saǵat 24 mınýtqa sozyldy.  Osydan keıin juptyq synda Anna Danılına men Iýlııa Pýtıneva Alısııa Rosolskaıa men Veronıkı Falkovskaǵa qarsy oınady. Bul oıyn Qazaqstan tennısshileri qarsylastaryn úsh oıynda 3:0 esebimen jeńgennen keıin eshteńe sheshpedi. Degenmen polıaktar juptyq synda jeńiske jetti.

Astanaǵa Polsha quramasynyń kóshbasshysy, álemniń 1-raketkasy Iga Shventek kele almady. Iga bıyl Dohadaǵy týrnır kezinde alǵan jaraqatyn Indıan-Ýellste asqyndyryp alýyna baılanysty birqatar iri týrnırlerge qatysa almaıtynyn aıtty.

Endi Ispanııa men Meksıka, Ýkraına men Chehııa, Ulybrıtanııa men Franııa, Kanada men Belgııa, AQSh pen Avstrııa, Slovakııa men Italııa, Germanııa men Brazılııa, Slovenııa men Rýmynııa komandalary álem chempıoantyna joldama alý úshin bir-birimen kezdesedi.

Qazir fınaldyq kezeńde byltyrǵy álem chempıony Shveıarııa men fınalıst Avstralııa quramasy qarsylasyn kútip otyr. Al jeńilgen quramalar bıyl qarashada pleı-off satysynda baq synaıdy. Byltyr Qazaqstan quramasy komandalyq álem chempıonaty atalyp ketken básekeniń fınaldyq kezeńinde S tobynda Ispanııa men Ulybrıtanııa quramasymen oınaǵan.

Dastan KENJALIN,

FOTO: Qazaqstan tennıs federaııasy

ASTANA