SportPress.kz Qazaqstan sport jańalyqtary
Almaty qalasynda sporttyq gımnastıkadan Qazaqstannyń VI jazǵy Spartakıadasy bastaldy. Bul týraly Mádenıet jáne sport mınıstrliginiń Sportty damytý dırekııasy habarlady.
Tórt jylda bir keletin bul jarysqa 7 óńirden 40-tan asa er adam, 8 óńirden 50-ge tarta tańdaýly áıel gımnast qatysady. Komandalar sherýinde Respýblıkalyq Sportty damytý dırekııasynyń jáne oblystyq sport basqarmasynyń ókilideri sóz sóılep, atletterge sáttilik tiledi.
Búgin erler men áıelder irikteý kezeńinde baq synasa, 20-21 sáýirde jekeleı jáne kópsaıystan fınal ótedi. Bul Spartakıadaǵa elimizdiń jastar men eresekter quramasynyń sportshylary qatysyp, aldaǵy halyqaralyq jarystarǵa daıyndyǵyn pysyqtaıdy.
El ishindegi Olımpıadaǵa barlyq jastaǵy ulttyq qurama sportshysy jınaldy. Bári óz kombınaııalaryna jańa elementter qosyp, jetildirip kóredi. Mysaly, shymkenttik Dıas Toıshybektiń qarqyny jaqsy. Ol munda eki baǵdarlamada kúrdeli elementer isteıdi. Dıas Spartakıadadan soń birden Álem kýbogynda óner kórsetedi. Bári oıdaǵydaı ótse, Belgııadaǵy álem chempıonatyna aparamyz, — dedi Narıman Kýrbanovtyń jeke bapkeri, Qazaqstannyń eńbek sińirgen jattyqtyrýshysy Hýsanjan Kýrbanov.
Qazir negizgi ulttyq qurama jasaqtalǵan. Jattyqtyrýshylar Spartakıadadan soń eki qurama jasaqtaıdy. Olar Qytaıdaǵy Azııa oıyndarynda el namysyn qorǵasa, lıderler kúzde Belgııada ótetin álem chempıonatynda synǵa túsedi. Antverpende jeke baǵdarlamanyń ár jeńimpazy men úzdik nátıje kórsetken 12 qurama Parıj Olımpıadasyna tikeleı joldama alady.
4 jyl buryn Almatyda ótken sporttyq gımnastıkadan V Spartakıadada áıelder arasynda jalpy esepte Almaty qalasy birinshi oryn alsa, Qaraǵandy men Astana komandasy odan keıingi satyǵa jaıǵasqan. Erler arasynda da Almaty qalasy top jarsa, Shymkent qalasy ekinshi, Pavlodar oblysy úshinshi orynǵa ıe bolǵan.
Gımnastar básekesi qaladaǵy №9 Olımpıada rezerviniń mamandandyrylǵan balalar-jasóspirimder mektebinde bolyp jatyr.
Shamken BAIYRBEK,
FOTO: Mádenıet jáne sport mınıstrliginiń Sportty damytý dırekııasy
ASTANA
