رەسەيدىڭ ەكس-ءفۋتبوليسى ورتالىق ازيا قۇرامالارىن «شپانا» دەپ كەكەتتى

ماسكەۋدىڭ «ديمنامو» كلۋبىنىڭ ەكس-شابۋىلشىسى يگور كولىۆانوۆ رەسەي ۇلتتىق قۇراماسىنىڭ ورتالىق ازيا فۋتبول قاۋىمداستىعىنىڭ چەمپيوناتىنا قاتىسۋدان باس تارتقانىنا قاتىستى پىكىر ءبىلدىردى.

ونىڭ ايتۋىنشا، رەسەي قۇراماسى «بۇزاقىلار جينالعان كوماندالارمەن» ويناۋدان شارشاعان. بۇل ەلدەردىڭ كويماندالارىمەن ويناعانشا رەسەيگە مۇلدەم ويناماۋ كەرەك.

شىنىن ايتقاندا، رەسەي فۋتبول وداعىنىڭ ورتالىق ازيا قاۋىمداستىعى چەمپيوناتىنا قاتىستى شەشىمى دۇرىس پا، بۇرىس پا، ماعان ءبارى ءبىر. ەگەر قاتىسۋدان باس تارتسا ونداي سولاي بولۋ كەرەك شىعار. بۇل ەندى بالاباقشا بولىپ تۇر. باسقاشا ايتا المايمىن. ءبىزىدڭ فۋتبوليستەردىڭ وزدەرىنە ورتالىق اليا كوماندالارىمەن ويناۋ قىزىقسىز. رەسەي قۇراماسى وسىنداي «شپانالارمەن» ويناۋدان شارشادى. ءتىپتى، ويناۋدىڭ ءوزى كۇلكىلى. مۇنداي جاعدايدا مۇلدەم حالىقارالىق ماتچتاردا ويناماۋ كەرەك. ولارمەن دوپ تەپكەنشە، رەسەيدىڭ ەكى قۇراماسىن كەزدەستىرىپ، ويناتۋ كەرەك، — دەدى ول.

ەسكە سالا كەتسەك، رەسەي فۋتبول وداعى ورتالىق ازيا قاۋىمداستىعىنىڭ تۇڭعىش چەمپيوناتىنا قاتىسۋدان باس تارتقان بولاتىن. ولار مۇنداي شەشىمدى ۇلتتىق قۇرامانىڭ جاتتىقتىرۋشىلار كەڭەسى قابىلدادى دەپ مالىمدەدى.

رەسەي ۇلتتىق قۇراماسىنىڭ جاتتىقتىرۋشىلار كەڭەسى ورتالىق ازيا چەمپيوناتىنا قاتىسۋدان باس تارتتى. سەبەبى، رەسەي چەمپيوناتىنداعى ماتچتار مەن ەل كۋبوگىنىڭ سۋپەرفينالى ورتالىق ازيا قاۋىمداستىعى ۇيىمداستىراتىن تۋرنيرمەن تۇسپا-تۇس كەلىپ وتىر. سول سەبەپتى رەسەي جارىسقا قاتىسا المايدى، – دەلىنگەن رف فۋتبول وداعىنىنىڭ حابارلاماسىندا.

ورتالىق ازيا فۋتبول قاۋىمداستىعىنىڭ (CAFA) تۇڭعىش چەمپيوناتى 9-21 ماۋسىم ارالىعىندا تاشكەنت پەن بىشكەكتە وتكىزىلەدى. وعان يران، وزبەكستان، قىرعىزستان، تۇركىمەنستان مەن اۋعانستان ەلدەرىنىڭ ۇلتتىق قۇرامالارى قاتىسادى.

توپتاردىڭ جەڭىمپازدارى فينالدا كەزدەسەدى. ال ءوز كۆارتەتىندە ەكىنشى بولعان كوماندالار قولا جۇلدەنى ءوزارا ساراپقا سالادى. بۇل ەكى فينالدىق ماتچ تا تاشكەنتتە بولادى.

داستان كەنجالين،

استانا