Жібек Құламбаева ITF W75 турнирінің ширек финалына шықты

Әлемнің 499-ракеткасы Жібек Құламбаева Хорватияның Загреб қаласында өтіп жатқан ITF W75 турнирінің ширек финалына шықты, деп хабарлады Қазақстан теннис федерациясы.

Теннисші екінші айналымда әлемнің 259-ракеткасы, жапониялық Химено Сакацумемен ойнады.

Бірінші партияны Жібек Құламбаева 6:2 есебімен жеңсе, екіншісінде де есесін жіберген жоқ. Есеп  – 6:4.

Бұл ойын 1,5 сағатқа созылды.

Енді Құламбаева жартылай финалға шығу үшін әлемнің 234-ракеткасы, хорватиялық Тена Лукас немесе рейтингіде 367-орындағы сербиялық Лола Радивоевичпен күш сынасады.