Reseıdiń eks-fýtbolısi Ortalyq Azııa quramalaryn «shpana» dep keketti

Máskeýdiń «Dımnamo» klýbynyń eks-shabýylshysy Igor Kolyvanov Reseı ulttyq quramasynyń Ortalyq Azııa fýtbol qaýymdastyǵynyń chempıonatyna qatysýdan bas tartqanyna qatysty pikir bildirdi.

Onyń aıtýynsha, Reseı quramasy «buzaqylar jınalǵan komandalarmen» oınaýdan sharshaǵan. Bul elderdiń koımandalarymen oınaǵansha Reseıge múldem oınamaý kerek.

Shynyn aıtqanda, Reseı Fýtbol odaǵynyń Ortalyq Azııa qaýymdastyǵy chempıonatyna qatysty sheshimi durys pa, burys pa, maǵan bári bir. Eger qatysýdan bas tartsa ondaı solaı bolý kerek shyǵar. Bul endi balabaqsha bolyp tur. Basqasha aıta almaımyn. Bizidń fýtbolısterdiń ózderine Ortalyq Alııa komandalarymen oınaý qyzyqsyz. Reseı quramasy osyndaı «shpanalarmen» oınaýdan sharshady. Tipti, oınaýdyń ózi kúlkili. Mundaı jaǵdaıda múldem halyqaralyq matchtarda oınamaý kerek. Olarmen dop tepkenshe, Reseıdiń eki quramasyn kezdestirip, oınatý kerek, — dedi ol.

Eske sala ketsek, Reseı Fýtbol odaǵy Ortalyq Azııa qaýymdastyǵynyń tuńǵysh chempıonatyna qatysýdan bas tartqan bolatyn. Olar mundaı sheshimdi ulttyq quramanyń jattyqtyrýshylar keńesi qabyldady dep málimdedi.

Reseı ulttyq quramasynyń jattyqtyrýshylar keńesi Ortalyq Azııa chempıonatyna qatysýdan bas tartty. Sebebi, Reseı chempıonatyndaǵy matchtar men el kýbogynyń sýperfınaly Ortalyq Azııa qaýymdastyǵy uıymdastyratyn týrnırmen tuspa-tus kelip otyr. Sol sebepti Reseı jarysqa qatysa almaıdy, – delingen RF Fýtbol odaǵynynyń habarlamasynda.

Ortalyq Azııa Fýtbol qaýymdastyǵynyń (CAFA) tuńǵysh chempıonaty 9-21 maýsym aralyǵynda Tashkent pen Bishkekte ótkiziledi. Oǵan Iran, О́zbekstan, Qyrǵyzstan, Túrkimenstan men Aýǵanstan elderiniń ulttyq quramalary qatysady.

Toptardyń jeńimpazdary fınalda kezdesedi. Al óz kvartetinde ekinshi bolǵan komandalar qola júldeni ózara sarapqa salady. Bul eki fınaldyq match ta Tashkentte bolady.

Dastan KENJALIN,

ASTANA