Álem chempıonatyna baratyn boksshylar anyqtaldy

Bokstan 1-14 mamyr aralyǵynda О́zbekstannyń astanasy – Tashkent qalasynda jalaýy jelbireıtin álem chempıonatyna qatysatyn Qazaqstanyń ulttyq qurama komandasynyń tizimi anyqtaldy.

Buǵan deıin habarlanǵandaı, osy kúnderi ulttyq qurama boksshylary Shymkent qalasyndaǵy «Alma-Taý» bazasynda sońǵy oqý-jattyǵý jıynyn ótkizip jatyr.

Sonymen О́zbekstannyń astanasyna Qazaqstan quramasynyń myna bylǵary qolǵap sheberleri attanady.

Sanjar Táshkenbaı (48 kg)

Sáken Bıbosynov (51 kg)

Mahmud Sabyrhan (54 kg)

Serik Temirjanov (57 kg)

Talǵat Syrymbetov (60 kg)

Sanatáli Tóltaev (63,5 kg)

Dýlat Bekbaev (67 kg)

Aslanbek Shymbergenov (71 kg)

Nurqanat Raıys (75 kg)

Nurbek Oralbaı (80 kg)

Saǵyndyq Toǵanbaı (86 kg)

Aıbek Oralbaı (92 kg)

Qamshybek Qońqabaev (92 kg)

Bokstan ulttyq qurama bıyl sońǵy ret Serbııanyń astanasy – Belgrad qalasynda ótken álem chempıonatyna qatysqan edi. Sol jerde Qazaqstan quramasy 5 medal (2 altyn, 2 kúmis jáne 1 qola júlde) ıelengen bolatyn. Osy rette aıtatyn bir nárse, Belgradta bolǵan álemdik básekede fınalǵa shyqqan álem chempıony Sáken Bıbosynov, kúmis júldegerler  Mahmud Sabyrhan men Serik Temirjanov Tashkent sharshy alańynda óner kórsetedi.

Álem chempıonaty 1-14 mamyr aralyǵynda ótedi. Oǵan 104 elden 600-den asa bylǵary qolǵap sheberi qatysady.

Chempıondar men júldegerler 13 salmaq dárejesi boıynsha anyqtalady. Tashkentte ótetin álem chempıonatyna birneshe eldiń boks federaııalary boıkot jarııalap, qatysýdan bas tartty.

 

Dastan KENJALIN,

ASTANA