Túrkııa týry: «Astana» júldegerler qatarynan kórindi

Anadoly elinde osymen 53-shi ret jalaýy jelbiregen «Túrkııa týry» jarysy óz máresine jetti. Bul báıge bir jetige sozylyp, jer-júziniń velosport jarysyna qyzyǵatyn jankúıerleriniń bar nazaryn ózine aýdardy. Osy synǵa elimizdiń atynan «Astana» kásipqoı veloklýby da qatysty.

Onda qazaqstandyq komanda jarystyń barlyq kezeńderinde qarsylastaryna laıyqty básekeles bolyp, eki ret júldeli orynnan kórindi. Týrdyń tórtinshi kúni ıtalıan Dıego Ýlıssı birikken Arab Ámirlikteriniń komandasyna jeńis syılasa, odan 12 sekýnd artta qalǵan «Astananyń» veloshabandozy dat Iesper Hansen ekinshi bolyp máre syzyǵyn kesti. Onyń bul kórsetkishi jalpy eseptegi jaǵdaıǵa áser etti. Sóıtip, ol jalpy esepte ekinshi orynǵa taban tiredi. Al «Androıd» klýbynyń ókili Faýsto Masnada jarysty úshinshi orynmen aıaqtady.

Dastan KENJALIN