Tennısten Qazaqstan quramasy álem chempıonaty irikteý týrnıriniń shırek fınalyna shyqty

Tennısten Qazaqstannyń qyzdar quramasy Shymkent qalasynda 16 jasqa deıingiler arasynda Azııa – Tynyq muhıt aımaǵy boıynsha ótip jatqan álem chempıonaty irikteý týrnıriniń shırek fınalyna shyqty.

Búgin qyzdar quramasy Iran komandasymen kezdesti. Kúnniń jeldi bolǵanyna qaramastan, tennısshilerimiz qolaısyz aýa raıyna tez beıimdelgenin kórsetip, qarsylastaryn utty..

Áýeli Anastasııa Krymkova bir saǵattan sál astam ýaqytqa sozylǵan kezdesýde Atfı Nıtıdi 6:3, 6:3 esebimen jeńdi. Arıana Gogýlına dál sondaı eseppen Iasaman Iazdanıden aılasyn asyrdy. Úshinshi oıynda A.Krymkova Polına Slepovamen birge juptyq synda Qazaqstan quramasyna úshinshi upaıdy alyp berdi. Esep — 6:4, 6:1.

Osylaısha, qyzdar quramasy merziminen buryn shırek fınalǵa shyqty.

Endi erteń Iaroslava Shvedova jattyqtyratyn komanda Japonııa quramasymen oınaıdy. Japonııa da kúni búryn shırek fınalǵa joldama aldy.

Shırek fınal jerebesi 3 mamyr kúni keshkisin tartylady. Álem chempıonatyna Azııa – Tynyq muhıt aımaǵynan tek úsh komanda joldama alady.

Dastan KENJALIN,

ASTANA