الۆارەس ءوز ەلىندە 6 چەمپيوندىق بەلبەۋىن قورعاپ قالدى

ەكىنشى ورتا سالماقتاعى ءابسوليۋتتى الەم چەمپيونى، مەكسيكالىق ساۋل «كانەلو» الۆارەس بريتاندىق بوكسشى دجون رايدەردى مەرزىمىنەن بۇرىن جەڭدى، دەپ حابارلادى Halyq-uni.kz.

جەكپە-جەك گۆادالاحارادا (مەكسيكا) ءوتىپ، الۆارەستىڭ جەڭىسىمەن اياقتالدى. تورەشىلەر ءبىراۋىزدان وسىنداي شەشىم قابىلدادى.

مەكسيكالىق سپورتشى IBF، WBC، WBA Super، WBO جانە The Ring تيتۋلدارىن ساقتاپ قالدى.

الۆارەس 32 جاستا جانە 59 جەڭىسكە (39 نوكاۋت) جەتتى، 2 جەڭىلىس پەن 2 تەڭ ويىنى بار. ال 34 جاستاعى رايدەردىڭ كورسەتكىشى – 32 جەڭىس (18 نوكاۋت) جانە 6 جەڭىلىس.

بۇعان دەيىن تۋرنيردە جارتىلاي اۋىر سالماقتاعى بۇرىنعى الەم چەمپيونى، ۋكراينالىق الەكساندر گۆوزديك لاتۆيالىق ريچارد بولوتنيكتى 6-راۋندتا نوكاۋتقا تۇسىرگەن بولاتىن.