SportPress.kz قازاقستان سپورت جاڭالىقتارى
قازاقستان بوكس فەدەراتسياسى حالىقارالىق بوكس فەدەراتسياسىنىڭ پرەزيدەنتى ۋمار كرەملەۆقا رەسمي شاعىم جولدادى، دەپ حابارلادى Zakon.kz.
تاشكەنتتە ءوتىپ جاتقان 2023 جىلعى الەم چەمپيوناتىندا اياسىنداعى ساكەن بيبوسىنوۆ پەن ءۇندى بوكسشىسى ديپاك كۋماردىڭ جەكپە-جەگى بويىنشا تورەشىلەردىڭ شىعارعان داۋلى شەشىمىنە قاتىستى شاعىم ءتۇسىرىلدى.
قازاقستان بوكس فەدەراتسياسى حالىقارالىق بوكس قاۋىمداستىعىنىڭ (AIBA) پرەزيدەنتى ۋمار كرەملەۆتىڭ اتىنا ساكەن بيبوسىنوۆتىڭ جەكپە-جەگى بويىنشا تورەشىلەردىڭ شىعارعان داۋلى شەشىمىنە بايلانىستى رەسمي شاعىم جولدادى. ءبىز IBA باسشىلىعىنان جاۋاپ كۇتەمىز. وكىنىشكە قاراي، قازىرگى ەرەجەلەرگە سايكەس نارازىلىق بىلدىرۋگە (اپەللياتسياعا) رۇقسات ەتىلمەيدى. ونىڭ ورنىنا سۋديالاردىڭ شەشىمىن قايتا قاراۋ پروتسەدۋراسى ۇسىنىلادى: ەگەر جەكپە-جەك 3:2 نەمەسە 2:3 ەسەبىمەن اياقتالسا. باسقا جاعدايلاردا شەشىمدى قايتا قاراۋ دەگەن جوق، — دەپ حابارلادى قازاقستان بوكس فەدەراتسياسى.
51 كەلىگە دەيىنگى سالماق دارەجەسىندە ونەر كورسەتكەن جەرلەسىمىز 1/16 فينالدا ۇندىستاندىق ديپاك كۋمارمەن جۇدىرىق ءتۇيىستىرىپ، كۇتپەگەن جەردەن ۇپاي بويىنشا جەڭىلىپ قالدى. وسىلايشا، ساكەن بيبوسىنوۆ الەم چەمپيوناتىنداعى ونەرىن مەرزىمىنەن بۇرىن اياقتادى.
حالىقارالىق بوكس فەدەراتسياسىنىڭ رەسمي مالىمدەمەسىن كۇتەمىز.
