وزبەكستاندا قازاق بوكسشىسىن «مەن قازاقپىن» انىمەن قارسى الدى (ۆيدەو)

وزبەكستاندا بوكستان ەرەكسەكتەر اراسىندا وتكەن الەم چەمپيوناتىنا وسى ەلدىڭ اتىنان قاتىسقان ەتنيكالىق قازاق سپورتشىسى رۋسلان ابدۋللاەۆتى تۋعان-تۋىستارى وزبەك ەلىنىڭ تۋىمەن كەلگەندە قازاقستاننىڭ بەلگىلى ءانشى قۋاندىق راحىمنىڭ «مەن قازاقپىن» اتتى انىمەن قارسى العان.

رۋسلان ابدۋللاەۆ 20 جاستا. ول بيىلعى الەم چەمپيوناتىنىڭ فينالىندا موڭعول بوكسشىسى چينزوريگ بااتارسۋحپەن كەزدەسىپ، ءادىل قازىلار القاسىنىڭ ءبىر اۋىزدان قابىلداعان شەشىمىمەن جەڭىسكە جەتتى.

رۋسلان ابدۋللاەۆ تاشكەنت وبلىسى كىبىراي اۋدانى قىپشاق اۋىلىندا 2002 جىلى تۋعان. ول وتكەن جىلى وماندا ازيا چەمپيونى اتاعىن جەڭىپ العان. 2020 جىلى قازاقستاندا شارشى الاڭعا شىعىپ، ەلىمىزدەگى جاستار چەمپيوناتىنىڭ قولا جۇلدەرى بولعان.

كەيىن وزبەكستانعا ورالىپ، 2021 جىلى وسى ەلدىڭ چەمپيونى اتاعىن جەڭىپ العان. ول وسى چەمپيوناتتىڭ ۇزدىك بوكسشىسىنا بەرىلەتىن «رۋفات ريسكيەۆ كۋبوگىنىڭ» يەگەرى اتانعان.

داستان كەنجالين،

استانا