فۋتبولدان U-23 ازيا كۋبوگىنىڭ ىرىكتەۋ ويىندارى وتەدى

ازيا فۋتبول كونفەدەراتسياسى 23 جاسقا دەيىنگى جاسوسپىرىمدەر اراسىنداعى ازيا كۋبوگىنىڭ ىرىكتەۋ كەزەڭىن قابىلدايتىن ەلدەردىڭ ءتىزىمىن جاريالادى.

وزبەكستان وليمپيادا قۇراماسىنىڭ توپتىق كەزدەسۋلەرى 4-12 قىركۇيەك ارالىعىندا وزبەكستان فۋتبول الاڭدارىندا وتەدى.

AFC U-23 Asian Cup Qatar 2024 توپتىق كەزەڭىنىڭ ىرىكتەۋ ويىندارى باحرەين، قىتاي، يندونەزيا، يوردانيا، وڭتۇستىك كورەيا، كۋۆەيت، ساۋد ارابياسى، تاجىكستان، تايلاند وزبەكستان جانە ۆەتنام ەلدەرىندە ۇيىمداستىرىلادى.

ىرىكتەۋ كەزەڭىنىڭ جەرەبە تارتۋ ءراسىمى وسى جىلدىڭ 25 مامىرىندا كۋالا-لۋمپۋرداعى افك شتاب-پاتەرىندە ونلاين رەجيمدە وتەدى.

23 جاسقا دەيىنگى ازيا كۋبوگىنىڭ فينالدىق ويىندارى 2024 جىلى كاتاردا وتەدى.

داستان كەنجالين،

استانا