• Қазақ
  •   
  • Qazaq
  •   
  • قازاق
  •   
  • Рус
  •   

    Jaqsylyq Úshkempirov týrnırinde alty balýan jeńimpaz atandy

    Búgin Astana qalasynda dańqty balýan Jaqsylyq Úshkempirovty eske alýǵa arnalǵan grek-rım kúresinen 20 jasqa deıingi balýandar arasyndaǵy halyqaralyq týrnır aıaqtaldy, dep habarlady Mádenıet jáne sport mınıstrliginiń Sportty damytý dırekııasy.

    Elimizdiń ár óńirinen kelgen balýandarmen qatar Qyrǵyzstan, О́zbekstan, Tájikstan, Ázerbaıjan Respýblıkasy men Izraıldiń úzdik 164 sportshysy 3 kún boıy ózara synǵa tústi.

    Qazaq balýandary arasynan Aıbek Aıtbekov (55 kg), Oljas Erǵalı (77 kg), Islam Evloev (82 kg), Nurasyl Amanaly (87 kg), Nurtas Qydyrbaev (97 kg), Johar Ýzarov (130 kg) óz salmaǵynda chempıon atandy. Qazaqstan qorjynynda barlyǵy 6 altyn, 5 kúmis, 14 qola júlde aldy.

    Ázerbaıjan quramasy Ilkın Gýrbanov (60 kg), Kanan Abdýllazade (67 kg, U-20 álem chempıony) pen Rýslan Nýrýllaev (72 kg) óz salmaǵynda úzdik shyqqan soń jalpy esepte ekinshi orynǵa turaqtady. Úzdik úshtikti túıindegen Qyrǵyz Respýblıkasyna jalǵyz altyn medaldi Jantoro Mırzalıev (63 kg) syılady.

    Bul jarystyń biz úshin orny erekshe. Jyldan-jylǵa aýqymy keńeıip kele jatqany qýantady. Kelesi jyly budan da kóp el qatysýy úshin jyldyń basyna aýystyrý kerek bolady. Ony Halyqaralyq kúres federaııasynyń kúntizbesin eskere otyryp, bekitýimiz qajet. Mysaly, osy jarysqa О́zbekstan quramasy biraz myqty balýandaryn jibere almady. Sebebi, onda qazir el chempıonaty ótip jatyr. Al Ázerbaıjan men Qyrǵyzstan quramasy negizgi qurammen keldi, -dep aıtty Qazaqstan áıelder, grek-rım jáne erkin kúres federaııasynyń prezıdenti, Parlament Májilisiniń depýtaty Dáýlet Turlyhanov.

    Bıyl Olımpıada chempıonyn eske alýǵa arnalǵan báseke úsh-ret uıymdastyryldy. Dańqty balýan qaıtys bolǵanǵa deıin bozkilem sheberleriniń týrnıri Jaqsylyq Úshkempirovtiń júldesi úshin ótip keldi.

    Jazda Azııa chempıonatyna baratyn ulttyq qurama balýandary óz deńgeıin taǵy bir márte kórsetti.  Elimizdiń óńirlerinen Aqtóbe oblysy jaqsy nátıje kórsetti. Aldaǵy eki aıda biz úshin jaýapty jarystar bar. Aldaǵy kúnderi Ázerbaıjan quramasymen birlesip, daıyndyqtyń birinshi kezeńine kiresemiz. Olardyń kózdegeni Eýropa chempıonaty, -dedi Qazaqstan jastar quramasynyń aǵa jattyqtyrýshysy Qonysbek Týkenov.

    Osy týrnırden keıin Astana qalasynda Qazaqstan men Ázerbaıjan quramasy birlesken oqý jattýǵý-jıynyn ótkizip, qurlyq chempıonatyna daıyndyqqa kirisedi. Bizdiń balýandar 12-20 shilde aıynda Iordanııa astanasy Ammanda sary qurlyq básekesinde (U-15 pen 20) baq synasady. Ázerbaıjan sportshylary Eýropa chempıonatynda júldege talasady. Osy jas sanatyndaǵy álem chempıonaty Polsha astanasy Varshavada 14-20 tamyz aralyǵynda bolady.

     

    Shamken BAIYRBEK,

    ASTANA

    Pikir jazý

    Your email address will not be published. Required fields are marked *

    *