تەننيستەن قازاقستان قۇراماسىنىڭ الەم چەمپيوناتىنداعى قارسىلاستارى انىقتالدى

لوندوندا بيللي دجين كينگ كۋبوگىگىڭ (كوماندالىق الەم چەمپيوناتى) فينالدىق كەزەڭىنىڭ جەرەبەسى تارتىلدى.

قازاقستاندىق ايەلدەر قۇراماسى ۆ توبىندا بيللي دجين كينگ كۋبوگىن جەتى رەت جەڭىپ العان اۆستراليامەن جانە سلوۆەنيامەن وينايدى.

توپتان ءبىرىنشى ورىن العان كوماندا عانا جارىستى جالعاستىرىپ، جارتىلاي فينالعا جولداما الادى.

قازاقستان ايەلدەر قۇراماسى ءساۋىر ايىندا ىرىكتەۋ ساتىسىندا پولشانى جەڭىپ، ءوز تاريحىندا ەكىنشى رەت الەم چەمپيوناتىنا جولداما العان بولاتىن.

يسپانيانىڭ سەۆيليا قالاسىندا 7-12 قاراشادا وتەتىن فينالدىق دودادا 12 كوماندا باق سىنايدى.

داستان كەنجالين،

استانا