بەنزەما جاڭا كلۋبتى تاڭدادى

يسپانيانىڭ «رەال» (مادريد) كلۋبىنىڭ بۇرىنعى شابۋىلشىسى كاريم بەنزەما جاڭا كلۋبتى تاڭدادى. ونىڭ تاڭداۋى ساۋد ارابياسىنىڭ «ءال-يتتيحاد» كومانداسىنا ءتۇستى. بۇل تۋرالى ينسايدەر فابريتسيو رومانو حابارلادى.

ونىڭ ايتۋىنشا، كاريم بەنزەما جاڭا كوماندامەن كەلىسىمشارتتىڭ نەگىزگى قۇجاتتارىنىڭ جارتىسىنا قول قويعان. ەندى ول 2025 جىلدىڭ ماۋسىم ايىنا دەيىن ساۋد ارابياسىنىڭ ليگاسىندا وينايتىن بولادى.

بارلىق ماسەلە شەشىلدى. كاريم مادريدتە جانكۇيەرلەرمەن قوشتاسقاننان كەيىن اراب تۇبەگىنە جولعا شىعادى. مىنە، ماسەلە وسىلاي شەشىلىپ جاتىر، — دەدى ول.

بۇعان دەيىن بىلتىرعى «التىن دوپ» سىيلىعىنىڭ يەگەرى يسپانيانىڭ «رەال» (مادريد) كلۋبىمەن قوشتاساتىنىن ايتىپ، رەسمي تۇردە قوشتاسۋ ءراسىمىن 6 ماۋسىمعا جوسپارلاعان بولاتىن.

كاريم بەنزەما ءمادريدتىڭ «رەالىندا» 14 جىل ويناپ، 25 ءتۇرلى تۋرنيرلەر مەن جارىستاردىڭ جۇلدەسىن جەڭىپ الدى. وعان اراب تۇبەگىنىڭ «ءال-يتتيحاد» كلۋبى 2 جىلعا كەلىسىمشارت ۇسىنىپ، 200 ملن ەۋرو ساناپ بەرەمىز دەپ وتىر.

داستان كەنجالين،

استانا

🚨🇸🇦 Karim Benzema has signed main part of docs to become new Al Ittihad player joining the Saudi league — here we go!

Understand contract will be valid until 2025 but will also include option for further season.

Karim will say goodbye to Madrid fans then travel to Saudi. pic.twitter.com/OCzwszv2OL

— Fabrizio Romano (@FabrizioRomano) June 5، 2023