ايگىلى قاقپاشى بۋففون فۋتبولمەن قوشتاستى (فوتو، ۆيدەو)

يتاليانىڭ اتاقتى گولكيپەرى دجانلۋيدجي بۋففون 45 جاسىندا فۋتبولداعى مانسابىن اياقتادى. بۇل تۋرالى ول Instagram  پاراقشاسىندا جازدى.

ال جىگىتتەر، وسىمەن بولدى! سەندەر ماعان ءبارىن بەردىڭدەر، مەن دە سەندەرگە ءبارىن بەردىم. ءبىز ونى بىرگە جاسادىق، — دەدى بۋففون.

دجانلۋيدجي بۋففون 1978 جىلى يتاليانىڭ توسكانا وبلىسىنىڭ كاراررا قالاسىندا تۋعان. ول ەرەسەكتەر كومانداسىنا ەرتە كەلگەن.

1995 جىلى 17 جاسىندا «پارما» كلۋبىندا ويناي باستاعان. بۇل كوماندانىڭ قاقپاسىندا 2001 جىلعا دەيىن تۇرىپ، سول جىلدان باستاپ 2018 جىلعا دەيىن ءتۋريننىڭ «يۋۆەنتۋس» كلۋبىنىڭ قاقپاسىن قورعاعان. ودان كەيىن 2018-2019 جىلدارى فرانتسيانىڭ «پاري سەن-جەرمەن» جاساعىنىڭ جەيدەسىندە الاڭعا شىققان.

بۋففون مانسابىنىڭ سوڭىنا دەيىن «پارما» كلۋبىندا ويناعان. بۇل كوماندانىڭ قاقپاسىن 2021 جىلدان بەرى كۇزەتىپ كەلدى. وسى ۋاقىتتا ول  44 ماتچتا «پارمالىقتاردىڭ» جەيدەسىن كيىپ كورگەن.

ايگىلى گولكيپەر ۇلتتىق قۇراماعا 1995 جىلى شاقىرىلعان. سودان بەرى ول بەس الەم چەمپيوناتىنا، اتاپ ايتقاندا  1998، 2002، 2006، 2010 جانە 2014 جىلدارى بولعان مۋنديالدارعا قاتىسقان. ال 2006 جىلى گەرمانيادا الەم چەمپيونى بولىپ، ءتۋرنيردىڭ ەڭ ۇزدىك قاقپاشىسى اتانعان. بۋففون ۇلتتىق قۇرامادا 2018 جىلعا دەيىن ويناپ، الەمدىك فۋتبولدىڭ رەكوردشى-قاقپاشىلارىنىڭ ءبىرى بولدى.

دۋمان امانجول ۇلى،

الماتى

 

View this post on Instagram

 

A post shared by Gianluigi Buffon (@gianluigibuffon)