Қазақстанға келуге келіскен Альварес Головкиннің жанкүйерлерінен қорқып отыр

Екінші орта салмақтағы абсолютті әлем чемпионы Сауль «Канело» Альварес (59-2-2, 39 КО) Қазақстанға келуге келісімін берді.

33 жастағы мексикалық әлем чемпионы қазақстандық жанкүйерлерімен кездесуді жоспарлап отыр. Кәсіпқой боксшыны алаңдататын жалғыз нәрсе – Геннадий Головкин (42-2-1, 37 КО) жанкүйерлерінің реакциясы. Бұл туралы Vesti.kz хабарлады.

Алматы немесе Астанада өтетін іс-шара аясында «Канеломен» фан-митинг жоспарланған. Мексикалықтың өзі келуге алдын ала келісімін берді. Бірақ ол  Геннадий Головкиннің жанкүйерлерінің теріс реакциясынан қорқады, — деп хабарлады сайт.

Еске сала кетсек, Головкин мен Канело үш рет кездесу өткізген. Бірінші жекпе-жек тең аяқталса, қалған екі жекпе-жекте мексикалық жеңіске жеткен еді. Оның үстіне GGG-дің соңғы жеңілісі өткен жылдың күзінде болды.

Еркеғали БЕЙСЕНОВ,

АСТАНА