Рыбакина Australian Open турнирімен қош айтысты

Елена Рыбакина Australian Open турнирінде ресейлік Анна Блинковадан жеңіліп, жарыспен қош айтысты.

Рыбакина екінші айналымда ресейлік теннисшіден 1:2 (4:6, 6:4, 6:7 (20:22) есебімен есе жіберді.

Енді 1/16 финалда Анна Блинкова италиялық Ясмин Паолинимен күш сынасады.

Турнирдің жалпы жүлде қоры — 39 264 000 доллар.

Аустралия ашық чемпионатында тағы бір ресейлік спортшы 16 жастағы Мира Андреева әлемнің алтыншы ракеткасы Онс Жаберді тас-талқан етіп, жеңді.

Дастан КЕНЖАЛИН,

АСТАНА