SportPress.kz Қазақстан спорт жаңалықтары
Qazaqstan Football League президентінің қызметіне Ерлан Жамантаев тағайындалды.
Лига мүшелерінің сырттай отырысында дауыс берушілердің басым бөлігі 50 жастағы отандық маманды осы қызметке лайық деп таныды.
Ерлан Айтпайұлының есімі қазақ спортына таңсық емес. Ол кісі кезінде өзі футболмен кәсіби түрде айналысқан. Астананың «Ұшқын-Искра» атты жекеменшік клубының жетекшісі әрі бас жаттықтырушысы болған. Кейбір жылдары Қазақстанның жағажай футболын тізгіндеп, бұқаралық және әйелдер футбол және футзал департаментін басқарды. 2021-2023 жылдары «Ақтөбе» футбол клубының басқарма төрағасы қызметін атқарып, 2024 жылы «Оқжетпес» футбол клубының директоры болды.
Бұған дейін QFL президенті қызметін Ғани Қайназаров атқарған.
Бақи АЗАМАТ
