Ardagerler jasyl alańnyń shańyn qaqty

Búgin Naýryz meıramyna oraı, О́tegen eldi mekeninde shaǵyn fýtboldan alaman jarys bolyp ótti. Bul tamasha merekelik is-sharany elge belgili jýrnalıst, sport ardageri Álim Anapııanov uıymdastyrdy. Ardagarlerdiń basyn qosyp, tamasha bir kóńil-kúı syılaǵan áriptesimizge ardagerler sheksiz rahmetin aıtty.

Naýryz merekesine arnalyp kelgen ardagerler arasyndaǵy bul týrnır osymen 4 jyl qatarynan ótkizilip keledi. Dástúrli jarys dep aıtýǵa tolyq negiz bar. Hosh, sonymen jarys alańyna shyqqan 6 komanda kún uzaq shyn myqtyny anyqtaý úshin jasyl alańda jan aıamaı baryn saldy. Bul týrnırge qazaq fýbolynyń ardageri Asqar Qojabergenov te kelip qatysyp tamashalady.

«Fýtbol aqyldaǵyny aıaqqa túsirip oınaıtyn oıyn», dep sport jýrnalıstıkasynyń atasy Seıdahmet Berdiqulov beker aıtpaǵan bolsa kerek. Osy álem halqy qyzyǵa qaraıtyn sporttyń basty qundylyǵy — densaýlyqty jaqsarta otyryp, uly ónerdiń qyr-syryna toımaı júgirip oınaý. Fýtboldyń bir ereksheligi muny jasta kári de oınasa bolady. Qazaqtyń ataqty kommentatory Dıas Omarov jasy 80-ge jetse de dop oınap salaýatty ómir saltyn qalyptastyryp júrýshi edi. Sondyqtanda búgingi jarysqa kelip qatysqandardyń arty elýde bolsa aldy jetpisti eńsergen qarııalar boldy. Osyndaı jas kelse de jastarǵa úlgi bolyp júrgen bul kisilerge Alla densaýlyq bersin deımiz.

Bizdiń «Ardager» atty ardagerler komandasy da tartysty oıyn kórsetip jarystyń qola júldesin jeńip aldy. Eń bastysy, osyndaı shýaǵyn shashqan kóktemniń jaıma-shýaq kúnderinde dop tepkendi qys boıy ańsaǵan ardagarler oıynnan keremet áser alyp, estelikke sýretke túsip jatty. Átteń mine kúnuzaq ardagerlerge umytylmastaı áser syılaǵan jarys máresine jetip, úzdik komandalar men úzdik oıynshylar marapattalyp tarqaıtyn sátte kelip jetti. Oıyn aıaqtalsa da sporttaǵy ardagerlerdiń jarysy aıaqtalmasa degen úmittemiz.

Aqyn ORDABAIULY,

Almaty oblysy

О́tegen aýyly