بوكسشى مارال تولەپبەرگەن سەنەگالدىڭ داكار قالاسىندا ءوتىپ جاتقان جازعى جاسوسپىرىمدەر وليمپياداسىنىڭ جارتىلاي فينالىندا جەڭىلىپ قالدى.
بۇرىمدى بوكسشىمىز 54 كەلىگە دەيىنگى سالماقتىڭ جارتىلاي فينالىندا وزبەكستاننىڭ وكىلى سابرينا چاكومانوۆامەن قولعاپ ءتۇيىستىردى. بۇل جەكپە-جەكتە وزبەكستاندىق بوكسشى تورەشىلەردىڭ شەشىمىمەن 5:0 ەسەبىمەن باسىم ءتۇستى.
وسىلايشا مارال تولەپبەرگەن وليمپيادا ويىندارىن ءۇشىنشى ورىنمەن اياقتادى.
بۇعان دەيىن اقنۇر تۇرسىنعالي (57 كگ) مەن بيبارىس ءاشىرباي (70 كگ) فينالعا شىققان ەدى.
وسىلايشا، قازاقستان قۇراماسىنىڭ قورجىنىندا بەس جۇلدە بار. بۇعان دەيىن دزيۋدوشى فاتيما سۇپىعاليەۆا (52 كەلىگە دەيىن) مەن ۆەلوشاباندوز انەل ءتاشباي التىن مەدال يەلەنسە، ترياتلونشى رامازان اينەگوۆ پەن تاەكۆوندوشى ليۋبوۆ يۋن (63 كەلىدەن اسا) قولا جۇلدەنى جەڭىپ العان بولاتىن.
داستان كەنجالين،
استانا
SportPress.kz قازاقستان سپورت جاڭالىقتارى