Elena Rybakına buralqy ıtterge qaıyrymdylyq kórsetti

Tennısten Ýımbldon-2022 týrnıriniń jeńimpazy Elena Rybakına buralqy ıtterge arnalǵan qamqorlyq ortalyǵyna qarjy aýdarǵan.

Qurmetti dostar, bizge kútpegen jerden kelgen erekshe qýanyshty jańalyqpen bólispesek bolmady. Elimizge eń tanymal ári talantty tennısshi Elena Rybakına bizge qıyn sátte qol ushyn sozdy. Keshe biz 10 tonna makaron satyp aldyq. Qýanyshymyzda shek joq. Elenaǵa sheksiz alǵys aıtamyz, — dep jazylǵan «StopOtlov» volonterlik qozǵalysynyń Instagram-daǵy paraqshasynda.

Volonterlik qozǵalys ókilderi Elena Rybakınaǵa ıgi tilekterin bildirip, ózin qańǵybas ıtter ortalyǵyna shaqyrdy. Al onyń qaıyrymdylyqqa qansha qarajat aýdarǵany naqtylanbaǵan.

Erkeǵalı BEISENOV,

ASTANA

 

View this post on Instagram

 

A post shared by VD «StopOtlov» (@vd_stopotlov)