Dopıng daýy: Aýyr atletıka federaııasy málimdeme jasady

Aýyr atletıka federaııasy dopıng daýyna qatysty málimdeme jasady. Federaııa dopıng qabyldaǵan sportshylardyń aty-jónderin atap, tıisti sharanyń qoldanǵanyn habarlady.

18 mamyrda Aýyr atletıka federaııasyna Qazaqstan ulttyq dopıngke qarsy ortalyǵynan 17 sáýirde alynǵan jarystan tys dopıng-baqylaýdyń oń nátıjeleri týraly habarlama kelip tústi.

Osylaısha, oń nátıje Arlı Chonteı, Ekaterına Alıakına, Denıs Polýboıarınov, Alına Kolıýshko, Alekseı Chýrkın jáne Nurǵısa Ádiletulynan tabyldy, – delingen habarlamada.

Federaııanyń habarlaýynsha, 12 maýsymda Aýyr atletıka federaııasyna Halyqaralyq testileý agenttiginen (ITA) ulttyq quramanyń sportshysy Artem Antropovtyń dopıng-synamasynyń oń nátıjeleri týraly habarlama kelip tústi. Synama 12 mamyrda sportshynyń Koreıada ótken Azııa chempıonatynda óner kórsetkennen keıin alyndy.

Búgingi kúni sportshylar dopıngke qarsy erejelerdi buzý týraly habarlama aldy. Olardyń árqaısysy boıynsha sońǵy sheshim tolyq tergeýden keıin qabyldanady. Joǵaryda atalǵan sportshylardyń barlyǵy sporttyq is-sharalar men oqý-jattyǵý jıyndarynan ýaqytsha shettetildi, –  delingen odan ári.

Federaııa dopıngke «múldem tózbeýshilik» saıasatyn ustana otyryp, oqıǵany táýelsiz tekserý úshin komıssııa qurdy. Onyń quramyna Qazaqstan Respýblıkasy men óńirlerdiń QR AAF ókilderi kirdi. Tergeý kezinde lastanǵan sporttyq tamaqty abaısyzda ishý men sportshylardyń dopıngti qasaqana qoldanýy tekseriledi. Tekserý úshin sportshylar daıyndyq kezinde qabyldaǵan sporttyq tamaqtaný men vıtamınderdiń úlgileri alyndy. Sondaı-aq, «B» úlgilerin qaıta saraptamaǵa ashý josparlanýda.

Federaııa tergeýden basqa ýákiletti organǵa erler men áıelder qurama komandalarynyń bas jattyqtyrýshylaryn qyzmetinen bosatý týraly ótinishter joldady. Dopıngke qarsy jumystarǵa basa nazar aýdara otyryp, federaııanyń jańa uıymdyq qurylymy keńeıtilip, bekitildi. Federaııanyń jańa bas hatshysy taǵaıyndaldy.

Eske sala keteıik, Aýyr atletıka federaııasy men Qazaqstan ulttyq dopıngke qarsy ortalyǵy arasynda dopıngke qarsy tártipti nyǵaıtýǵa jáne aýyr atletıkada dopıng qoldanýdyń barlyq jaǵdaılaryn anyqtaýǵa baǵyttalǵan yntymaqtastyq týraly memorandýmǵa qol qoıylǵan bolatyn.

QR AAF QazDQUO birlesip ulttyq qurama komandasynyń sportshylarynda jarystan tys dopıng-baqylaýlar júrgizýge jáne dopıngke qarsy semınarlar ótkizýge júıeli negizde bastamashylyq jasaıdy.

Dastan KENJALIN,

ASTANA