Aýyr atlet Vladımır Sedov óz-ózine qol jumsady

Belgili sportshy 2008 jylǵy Beıjiń Olımpıadasyna qatysqan aýyr atlet, tórt dúrkin Qazaqstan chempıony Vladımır Sedov óz-ózine qol jumsady. Ol 35 jasynda kóz jumdy.

Vladımır Sedov 1988 jyly 2 naýryzda qazirgi Jetisý oblysyna qarasty Úshtóbe qalasynda týǵan. Úlken aǵasy Sergeı Sedov ta aýyr atletıkamen aınalysqan. Qazir ol jattyqtyrýshy.

Vladımır Sedov 2008 jyly Beıjiń Olımpıadasyna qatysqannan keıin onyń aǵzasynan tyıym salynǵan zattar tabyldy. Halyqaralyq Olımpıada komıteti Dúnıejúzilik antıdopıng agenttigimen birigip uıymdastyrǵan tekseris kezinde Sedovtyń «A» synamasynda stanozolol shyqty.

2009 jyly ol álem chempıony atandy. Biraq onyń aǵzasynan taǵy dopıng tabyldy.

2016 jyly Sedovtyń aǵzasynda dopıngtiń bar ekenin anyqtaldy. Bul kezge deıin ol Qazaqstannyń tórt dúrkin chempıony bolǵan edi. 2019 jyly  Sedov 2008 – 2016 jyldar aralyǵyndaǵy barlyq ataǵynan aıyryldy. Ol ataǵynan aıyrylǵan kezde jattyqtyrýshy Alekseı Nı men Ilıa Ilındi aıyptady.

Eske sala ketsek, 2021 jyly taǵy bir aýyr atlet Albet Lınder óz-ózine qol jumsaǵan edi. Ol 25 jasta bolatyn.

Sportpress.kz aqparattyq-saraptamalyq sport saıtynyń redakııasy aýyr atlettiń qazasyna baılanysty onyń týǵan-týystaryna kóńil aıtady.