SportPress.kz Qazaqstan sport jańalyqtary
Túrkııanyń Ystanbul qalasynda kúres túrlerinen álem chempıonaty (U17) bastalyp, eki kún boıy grek-rım kúresi balýandary ózara myqtyny anyqtady.
Kúres túrleri federaııasynyń habarlaýynsha, Qazaqstan qurama sapynan eki balýanymyz jubanysh beldesýine joldama alǵan bolatyn. О́kinishke qaraı, ekeýi de utylyp, qola júldege talasa almady. Atap aıtar bolsaq, 65 kelidegi Álibek Turlyǵazy jubanysh beldesýinde aldymen bolgar balýanyn 10:0 esebimen utqanmen, kelesi beldesýinde úndi Kýmar Sachınge ese jiberip aldy. 110 kelidegi Bekjan Ismaǵulov jubanysh beldesýinde egıpettik Mohamad Ahmedten utyldy.
Jarystyn ekinshi kúni úsh balýanymyz jubanysh beldesýlerine joldama aldy. Aldymen 60 kelidegi Erdáýlet Lásim qyrǵyz Bekjan Esenbekpen jolyqsa, 71 kelidegi Dıas Seıitqalıev moldovan jáne káris balýandarynyń jeńgenimen synǵa túsedi. 92 kelidegi Maksım Ýkraınev meksıkalyq Emmanýel Treıomen kúsh synasady.
Bıylǵy álem chempıonatyna beıtarap el retinde Reseı quramasy qatysyp jatyr. Ázirshe osy eldiń balýandary 1 altyn, 1 kúmis jáne 1 qolamen jalpykomandalyq esepte kósh bastady. Ekinshi bolyp 1 altyn, 1 qola medalmen Iran quramasy keledi. Úzdik úshtikte árqaısysy 1 altyn júldege ıe bolǵan AQSh, Túrkııa jáne Japonııa komandalary qatar tur. Úndistan sportshylarynda 2 kúmis 1 qola bar. Odan keıingi orynǵa 1 kúmis, 2 qola júldeni alyp úlgergen О́zbekstan men 1 kúmis, 1 qolasy bar Ázirbaıjan quramalary jaıǵasty. Armenııa komandasy 2 qola júldeni ıelendi. Qyrǵyzstan men álem chempıonatyna beıtarap el retinde qatysyp jatqan Belarýs elinde 1 qola júlde bar.
Búgin grek-rım kúresinen 45, 51, 60, 71 jáne 92 kelide jeńimpazdar men júldegerlerdiń esimderi belgili bolsa, áıelder kúresinen 43, 49, 57, 65 jáne 73 kelide aldyn-ala beldesýler ótedi.
Aspandııar ESENJOLOV
